1935-ci il yanvarın 3-də Naxçıvan şəhərində anadan olmuşdur. Azərbaycan Dövlət Pedaqoji İnstitutunun fizika-riyaziyyat fakültəsini və Moskva Zərif Kimya Texnologiyası İnstitutunun elm və texnikanın yeni istiqamətləri üzrə "Kosmik texnologiya və kosmik materialşünaslıq" xüsusi fakültəsini bitirmişdir. Fizika-riyaziyyat elmləri doktorudur. Azərbaycan Dövlət mükafatı laureatıdır. Rus dilini bilir. Yeni Azərbaycan Partiyası Yasamal rayon təşkilatının sədridir. 1995-ci il noyabrın 12-də Yeni Azərbaycan Partiyasının siyahısı üzrə deputat seçilmişdir. Milli Məclisin Təbii ehtiyatlar, energetika və ekologiya məsələləri komissiyası sədrinin müavinidir. Evlidir, 3 övladı var.