1957-ci il iyulun 2-də Mingəçevir şəhərində anadan olmuşdur. Azərbaycan İnşaat Mühəndisləri İnstitutunun inşaat fakültəsini və Bakı Sosial İdarəetmə və Politologiya İnstitutunu bitirmişdir. Siyasi elmlər namizədidir. Rus və ingilis dillərini bilir. Yeni Azərbaycan Partiyası Siyasi Şurasının üzvüdür. 2000-ci il noyabrın 5-də 37 saylı Mingəçevir seçki dairəsindən deputat seçilmişdir. Milli Məclisin Sosial siyasət daimi komissiyası sədrinin müavinidir. Evlidir, 2 övladı var.