1942-ci il oktyabrın 1-də İmişli rayonunun Ağaməmmədli kəndində anadan olmuşdur. Azərbaycan Xalq Təsərrüfatı İnstitutunun iqtisad fakültəsini bitirmişdir. İqtisad elmləri doktoru, professordur. Beynəlxalq Qiymətləndiricilər Cəmiyyətinin üzvüdür. Rus və ingilis dillərini bilir. Azərbaycan Sosial Rifah Partiyasının sədridir. Birinci çağırış Azərbaycan Respublikası Milli Məclisinin deputatı olmuşdur. 2000-ci il noyabrın 5-də 58 saylı Biləsuvar seçki dairəsindən deputat seçilmişdir. Milli Məclisin İqtisadi siyasət daimi komissiyasının üzvüdür. Evlidir, 5 övladı var.