1948-ci il iyulun 5-də Bakı şəhərində anadan olmuşdur. Azərbaycan Dövlət Tibb İnstitutunu bitirmişdir. Beynəlxalq Kadr Akademiyasının fəxri doktorudur. Rus və ingilis dillərini bilir. Yeni Azərbaycan Partiyası Siyasi Şurasının üzvüdür. 1994-cü ilin oktyabr ayından Azərbaycan Respublikası parlamenti sədrinin müavini olmuş, birinci çağırış Azərbaycan Respublikası Milli Məclisi sədrinin müavini vəzifəsində çalışmışdır. 2000-ci il noyabrın 5-də 91 saylı Xanlar-Daşkəsən seçki dairəsindən deputat seçilmişdir. Milli Məclisin Sosial siyasət daimi komissiyasının üzvüdür. Qara dəniz İqtisadi Əməkdaşlıq Təşkilatı Parlament Məclisi sədrinin müavinidir. Evlidir, 2 övladı var.