ƏLİYEVA Mehriban Arif qızı

Azərbaycan Respublikası Milli Məclisinin deputatı
Dairə: 14 saylı Əzizbəyov ikinci seçki dairəsi
1964-cü il avqustun 26-da Bakı şəhərində anadan olmuşdur. İ.M.Seçenov adına Birinci Moskva Dövlət Tibb İnstitutunu bitirmişdir. Azərbaycan Milli Olimpiya Komitəsi İcraiyyə Komitəsinin üzvüdür. YUNESKO və İSESKO-nun xoşməramlı səfiridir. Rusiya Federasiyasının «Yüzilliyin mesenatları» Beynəlxalq Xeyriyyə Fondunun «Yaqut xaç» ordeni ilə təltif edilmişdir. Ümumdünya Səhiyyə Təşkilatının mükafatına və «Qızıl ürək» beynəlxalq mükafatına layiq görülmüşdür. Fəlsəfə elmləri namizədidir. Monoqrafiya, kitablar və elmi məqalələrin müəllifidir. Rus və ingilis dillərini bilir. 1988–1992-ci illərdə Moskva şəhərində Göz Xəstəlikləri Elmi Tədqiqat İnstitutunda çalışmışdır. 1995-ci ildən Azərbaycan Mədəniyyətinin Dostları Fondunun prezidentidir. 1996-cı ildən «Azərbaycan-İrs» jurnalının baş redaktorudur. 2002-ci ildən Azərbaycan Gimnastika Federasiyasının prezidentidir. 2004-cü ildən Heydər Əliyev Fondunun prezidentidir. Yeni Azərbaycan Partiyası Siyasi Şurasının üzvüdür. Milli Məclisin Beynəlxalq münasibətlər və parlamentlərarası əlaqələr daimi komissiyasının üzvüdür. Azərbaycan-Amerika Birləşmiş Ştatları parlamentlərarası əlaqələr üzrə işçi qrupunun rəhbəri, Azərbaycan-Rusiya, Azərbaycan-Türkiyə parlamentlərarası əlaqələr üzrə işçi qruplarının üzvüdür. Evlidir, 3 övladı var.
Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU