1951-ci il iyulun 26-da Bakı şəhərində anadan olmuşdur. Azərbaycan Xalq Təsərrüfatı İnstitutunun ticarətin iqtisadiyyatı fakültəsini bitirmişdir. Azərbaycan Kooperasiya Universitetinin fəxri professorudur. Türk Dünyası Araşdırmaları Beynəlxalq Elmlər Akademiyasının qızıl medalı ilə təltif edilmiş və fəxri professoru seçilmişdir. Beynəlxalq Kooperasiya Alyansının üzvüdür. Rus və ingilis dillərini bilir. 1973-cü ildən Ümumittifaq Əməyin Elmi Təşkili İnstitutunun Azərbaycan filialında iqtisadçı, Bakı Şəhər Sənaye Malları Ticarəti İdarəsində əmtəəşünas işləmişdir. 1976-cı ildən univermaq direktoru, 1983-cü ildən ticarət idarəsinin direktor müavini, direktoru, 1987-ci ildən Bakı Şəhər İstehlak Cəmiyyəti İdarə Heyətinin sədri, 1990-cı ildən «Azərittifaq»ın İdarə Heyəti sədrinin müavini vəzifələrində çalışmışdır. 1993-cü ildən «Azərittifaq»ın İdarə Heyətinin sədridir. Bitərəfdir. İkinci çağırış Azərbaycan Respublikası Milli Məclisinin deputatı olmuşdur. Milli Məclisin Aqrar siyasət daimi komissiyası sədrinin müavinidir. Azərbaycan-Koreya parlamentlərarası əlaqələr üzrə işçi qrupunun rəhbəri, Azərbaycan-Xorvatiya, Azərbaycan-İtaliya, Azərbaycan-Latviya, Azərbaycan-Polşa, Azərbaycan-Yaponiya parlamentlərarası əlaqələr üzrə işçi qruplarının üzvüdür. Evlidir, 2 övladı var