İBRAHİMBƏYOV Maqsud Məmmədibrahim oğlu

Azərbaycan Respublikası Milli Məclisinin deputatı
Dairə: 85 saylı Şamaxı seçki dairəsi
1935-ci il mayın 11-də Bakı şəhərində anadan olmuşdur. Azərbaycan Politexnik İnstitutunun inşaat fakültəsini, Moskva ali ssenari və rejissorluq kurslarını bitirmişdir. Azərbaycan Dövlət mükafatı laureatı, əməkdar incəsənət xadimidir. Xalq yazıçısıdır. Azərbaycan Respublikasının «İstiqlal» və «Şöhrət» ordenləri, Rusiya Federasiyasının «Dostluq» ordeni ilə təltif edilmişdir. Azərbaycan Sülh Fondunun prezidenti, Yazıçıların beynəlxalq PEN mərkəzinin prezidenti, Əsilzadələr Məclisinin sədridir. Onlarca bədii və publisistik kitabın, 15 bədii və 20-dən çox sənədli filmin ssenarisinin, tamaşaya qoyulmuş 8 pyesin müəllifidir. Rus dilini bilir. 1959-cu ildən Azərbaycan Tikinti Nazirliyinin tikinti trestində iş icraçısı vəzifəsində çalışmışdır. 1964–1971-ci illərdə Ümumittifaq Radio və Televiziya Verilişləri Komitəsinin Azərbaycan üzrə xüsusi müxbiri işləmişdir. Bitərəfdir. On birinci və on ikinci çağırış Azərbaycan Respublikası Ali Sovetinin deputatı, birinci və ikinci çağırış Azərbaycan Respublikası Milli Məclisinin deputatı olmuşdur. Milli Məclisin Beynəlxalq münasibətlər və parlamentlərarası əlaqələr daimi komissiyasının üzvüdür. Azərbaycan-Litva parlamentlərarası əlaqələr üzrə işçi qrupunun rəhbəri, Azərbaycan-Almaniya Federativ Respublikası, Azərbaycan-Kanada, Azərbaycan-Rusiya parlamentlərarası əlaqələr üzrə işçi qruplarının üzvüdür. Evlidir, 1 övladı var.
Partiya mənsubiyyəti: Bitərəf

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU