XƏLİLOV Dünyamin Zakir oğlu

Azərbaycan Respublikası Milli Məclisinin deputatı
Dairə: 111 saylı Zaqatala - Balakən seçki dairəsi
1961-ci il dekabrın 11-də Tbilisi şəhərində anadan olmuşdur. Azərbaycan Neft və Kimya İnstitutunun elektromexanika fakültəsini və Azərbaycan Universitetinin hüquq fakültəsini bitirmişdir. Rus, gürcü və ingilis dillərini bilir. 1984-cü ildən «Xəzərdənizneftqazsənaye» Ümumittifaq Sənaye Birliyində mühəndis, mühəndis-sazlayıcı, «Şelfqazavtomatika» İdarəsində mühəndis-sazlayıcı, mühəndis-dispetçer, 1991-ci ildən «İntexsentr» mərkəzində şöbə rəisi, Kinematoqrafçılar İttifaqının «Damla» təşkilatında sərəncamçı menecer, direktor müavini işləmişdir. 1992-ci ildən Azərbaycan Respublikasının Xarici İqtisadi Əlaqələr Nazirliyinin «Vneşekspertservis» şirkətində şöbə rəisi, direktor müavini, 1994-cü ildən «Avant» Məhdud Məsuliyyətli Cəmiyyətinin meneceri, 1997-ci ildən «Nurimpeks» Məhdud Məsuliyyətli Cəmiyyətinin baş direktoru, 1998-ci ildən «Vneşekspertservis» Məhdud Məsuliyyətli Cəmiyyətinin baş meneceri vəzifələrində çalışmışdır. 2004–2005-ci illərdə «General Construction» Məhdud Məsuliyyətli Cəmiyyətinin baş direktoru olmuşdur. Bitərəfdir. Milli Məclisin İqtisadi siyasət daimi komissiyasının üzvüdür. Azərbaycan-Amerika Birləşmiş Ştatları, Azərbaycan-Bolqarıstan, Azərbaycan-Gürcüstan, Azərbaycan-Latviya, Azərbaycan-Mərakeş, Azərbaycan-Sloveniya parlamentlərarası əlaqələr üzrə işçi qruplarının üzvüdür. Evlidir, 2 övladı var
Partiya mənsubiyyəti: Bitərəf

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU