VƏLİYEVA Sədaqət Süleyman qızı

Azərbaycan Respublikası Milli Məclisinin deputatı
Dairə: 25 saylı Nizami ikinci seçki dairəsi
1954-cü il dekabrın 23-də Naxçıvan şəhərində anadan olmuşdur. Azərbaycan Dövlət Tibb İnstitutunun Müalicə-profilaktika fakültəsini bitirmişdir. Rus dilini bilir. 1976-cı ildən Həkimləri Təkmilləşdirmə İnstitutunun Döş qəfəsi cərrahiyyəsi klinikasında tibb bacısı, 1978-ci ildən 4 saylı klinik xəstəxanada həkim-interna işləmişdir. 1980-ci ildən 6 saylı vərəm xəstəxanasının həkimi, 1984-cü ildən baş həkimi, 1995-ci ildən Suraxanı Rayon Səhiyyə Şöbəsinin müdiri, 1996-cı ildən 1 saylı vərəm dispanserinin həkimi, 1997-ci ildən 6 saylı vərəm əleyhinə dispanserin baş həkimi, 2002-ci ildən Sabunçu Rayon Səhiyyə Şöbəsinin müdiri vəzifələrində çalışmışdır. 2006-cı ildən 4 saylı vərəm əleyhinə dispanserin baş həkimidir. Yeni Azərbaycan Partiyası Nizami rayon təşkilatının sədridir. Milli Məclisin Sosial siyasət komitəsinin üzvüdür. Hindistan, Koreya, Qırğızıstan, Liviya, Slovakiya parlamentləri ilə əlaqələr üzrə işçi qruplarının üzvüdür. Evlidir, 1 övladı var.
Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU