ALIŞANOV Arif Nizam oğlu

Azərbaycan Respublikası Milli Məclisinin deputatı
Dairə: 45 saylı Abşeron seçki dairəsi
1960-cı il iyulun 30-da Bakı şəhərində anadan olmuşdur. Azərbaycan Dövlət Xalq Təsərrüfatı İnstitutunun Mühasibat uçotu və təsərrüfat fəaliyyətinin təhlili fakültəsini, Jurnalist Sənətkarlığı İnstitutunu və Bakı Ali Partiya Məktəbini bitirmişdir. İqtisad üzrə fəlsəfə doktorudur. 3-cü dərəcəli «Vətənə xidmətə görə» ordeni ilə təltif edilmişdir. Əməkdar mədəniyyət işçisidir. Avrasiya Televiziya Akademiyasının akademikidir. Azərbaycan Jurnalistlər Birliyinin və Beynəlxalq İdman Jurnalistləri Assosiasiyasının üzvüdür. Rus dilini bilir. 1977–2000-ci illərdə Azərbaycan Dövlət Televiziya və Radio Verilişləri Komitəsində quruluşçu, Plan-maliyyə şöbəsinin böyük iqtisadçısı, şöbə rəisinin müavini, rəisi, İqtisadiyyat baş idarəsinin rəisi, Texniki-istehsalat birliyinin direktoru, 2001-ci ildən Azərbaycan Dövlət Teleradio Verilişləri Şirkəti sədrinin müavini vəzifələrində çalışmışdır. 2006-cı ildən Azərbaycan Televiziya və Radio Verilişləri Qapalı Səhmdar Cəmiyyətinin sədridir. Bitərəfdir. Milli Məclisin İqtisadi siyasət komitəsinin üzvüdür. Azərbaycan–Mərakeş parlamentlərarası əlaqələr üzrə işçi qrupunun rəhbəri, ABŞ, Çin, Finlandiya, İsrail, Rusiya, Türkiyə parlamentləri ilə əlaqələr üzrə işçi qruplarının üzvüdür. Evlidir, 3 övladı var
Partiya mənsubiyyəti: Bitərəf

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU