MƏMMƏDOV İqbal Nəriman oğlu

Azərbaycan Respublikası Milli Məclisinin deputatı
Dairə: 78 saylı Lerik seçki dairəsi
1965-ci il yanvarın 6-da Lerik rayonunun Rəzgov kəndində anadan olmuşdur. Azərbaycan Xalq Təsərrüfatı İnstitutunun Mühasibat uçotu və təsərrüfat fəaliyyətinin təhlili fakültəsini bitirmişdir. İqtisadiyyat üzrə fəlsəfə doktorudur. «Tərəqqi» medalı ilə təltif edilmişdir. Rus dilini bilir. 1988-ci ildən Sov.İKP-nin XXII qurultayı adına NQÇİ-də operator, mühasib, iqtisadçı, 1990-cı ildən «28 Aprel» NQÇİ-də baş mühasibin müavini, 1991-ci ildən N.Nərimanov adına NQÇİ-də baş mühasib, şöbə rəisi, Qum adası NQÇİ-də baş mühasib işləmişdir. 1996–1999-cu illərdə «Kaspi-Yıldız» Azərbaycan–Türkiyə Müştərək Müəssisəsi İdarə Heyətinin sədri olmuşdur. 1999-cu ildən Əzizbəyov Rayon Vergilər Müfəttişliyinin Qeyri-dövlət müəssisələrində vergi qanunvericiliyinə və dövlət qiymət intizamına nəzarət şöbəsinin müfəttişi, 2000-ci ildən Azərbaycan Respublikası Vergilər Nazirliyinin Hüquqi şəxslərdə vergi qanunvericiliyinə əməl edilməsinə baş nəzarət idarəsinin Ticarət və xidmət təşkilatlarında vergi qanunvericiliyinə nəzarət şöbəsinin böyük müfəttişi, 2000-ci ildən «Kaspi-Yıldız» Azərbaycan–Türkiyə müştərək müəssisəsi idarə heyətinin sədri, 2010-cu ildə «Azqazservis» MMC-nin baş direktoru vəzifələrində çalışmışdır. Yeni Azərbaycan Partiyasının üzvüdür. Milli Məclisin Aqrar siyasət komitəsinin üzvüdür. İndoneziya, Kuba, Liviya, Türkiyə, Ukrayna, Yunanıstan parlamentləri ilə əlaqələr üzrə işçi qruplarının üzvüdür. MDB-nin Parlamentlərarası Assambleyasında Azərbaycan nümayəndə heyətinin üzvüdür. Evlidir, 3 övladı var.
Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU