SÜLEYMANOV Elxan Sirac oğlu

Azərbaycan Respublikası Milli Məclisinin deputatı
Dairə: 85 saylı Şamaxı seçki dairəsi
1940-cı il dekabrın 6-da Göyçay rayonunun Hacalı kəndində anadan olmuşdur. Azərbaycan Dövlət Teatr İnstitutunun Mədəni-maarif fakültəsini bitirmişdir. Azərbaycanda Vətəndaş Cəmiyyətinin İnkişafına Yardım Assosiasiyasının təsisçisidir. «Şöhrət» ordeni ilə təltif edilmişdir. 15-dən çox kitabın müəllifidir. Rus dilini bilir. 1966–1990-cı illərdə Bakı şəhərində müxtəlif mədəniyyət müəssisələrinə rəhbərlik etmişdir. 1990–1998-ci illərdə Rusiya–Amerika Universiteti Azərbaycan bölməsinin baş direktoru, 1996-cı ildən həm də Azərbaycan–Bolqarıstan birgə müəssisəsinin baş direktoru, 2003–2010-cu illərdə «Xəzər XXI əsr» Məhdud Məsuliyyətli Cəmiyyətinin baş direktoru vəzifələrində çalışmışdır. Bitərəfdir. Milli Məclisin Beynəlxalq münasibətlər və parlamentlərarası əlaqələr komitəsinin üzvüdür. Azərbaycan–Belçika parlamentlərarası əlaqələr üzrə işçi qrupunun rəhbəri, Bolqarıstan, Bosniya-Herseqovina, Finlandiya, Fransa, Mərakeş, Sloveniya parlamentləri ilə əlaqələr üzrə işçi qruplarının üzvüdür. Avropa Şurasının Parlament Assambleyasında Azərbaycan nümayəndə heyətinin üzvü, Avronest Parlament Assambleyasında Azərbaycan nümayəndə heyətinin rəhbəri, Parlament Assambleyası Sədrinin müavini və büro üzvüdür. Evlidir, 3 övladı var
Partiya mənsubiyyəti: Bitərəf

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU