1953-cü il aprelin 23-də Ermənistan Respublikası Vedi rayonunun Vedi kəndində anadan olmuşdur. Azərbaycan İnşaat Mühəndisləri İnstitutunun Memarlıq fakültəsini bitirmişdir. Memarlıq doktorudur. Əməkdar memardır. Fransa Respublikasının «Akademik Palma» ordeni ilə təltif edilmişdir. Şərq Ölkələri Beynəlxalq Memarlıq Akademiyasının, bir sıra digər akademiyaların üzvüdür. Rus dilini bilir. 1979-cu ildən Azərbaycan İnşaat Mühəndisləri İnstitutunun Memarlıq konstruksiyaları kafedrasının assistenti, baş müəllimi, dosenti və professoru vəzifələrində çalışmışdır. 2000-ci ildən Azərbaycan Memarlıq və İnşaat Universitetinin rektorudur. Yeni Azərbaycan Partiyasının üzvüdür. İkinci çağırış Azərbaycan Respublikası Milli Məclisinin deputatı olmuşdur. Milli Məclisin Elm və təhsil komitəsinin üzvüdür. Avstriya, Bosniya- Herseqovina, Estoniya, Fransa, Norveç parlamentləri ilə əlaqələr üzrə işçi qruplarının üzvüdür. Avronest Parlament Assambleyasında və Parlamentlərarası İttifaqda Azərbaycan nümayəndə heyətlərinin üzvüdür. Evlidir, 2 övladı var