1963-cü il iyulun 12-də Şəki rayonunun Böyük Dəhnə kəndində anadan olmuşdur. Azərbaycan Pedaqoji Xarici Dillər İnstitutunun Fransız və ingilis dilləri fakültəsini bitirmişdir. Fəlsəfə üzrə fəlsəfə doktorudur. 1 monoqrafiyanın, 17 elmi məqalənin müəllifidir. Rus, ingilis və fransız dillərini bilir. 1988-ci ildən Azərbaycan Pedaqoji Xarici Dillər İnstitutunda müəllim, həmin institutun nəzdindəki «Linqvist» tədris-tərcümə mərkəzinin icraçı direktoru işləmişdir. 1994-cü ildən Belçikanın «Sərhədsiz həkimlər» beynəlxalq humanitar təşkilatının tərcüməçisi, 1995-ci ildən ABŞ-ın «Philip Morris» şirkətinin Qafqaz nümayəndəliyinin şöbə müdiri, 1998-ci ildən «Planet Ko Ltd» şirkətinin direktoru vəzifələrində çalışmışdır. 2003-cü ildən «Avromed» Məhdud Məsuliyyətli Cəmiyyətinin direktorudur. Bitərəfdir. Milli Məclisin Beynəlxalq münasibətlər və parlamentlərarası əlaqələr komitəsinin üzvüdür. Böyük Britaniya, Fransa, İsveçrə, Qətər, Macarıstan parlamentləri ilə əlaqələr üzrə işçi qruplarının üzvüdür. Avropa İttifaqı–Azərbaycan parlament əməkdaşlığı komitəsinin üzvüdür. Evlidir, 3 övladı var