İSGƏNDƏROV Anar Camal oğlu

Dairə: 71 saylı Masallı kənd seçki dairəsi

1956-cı il yanvarın 10-da Masallı rayonunun Kolatan kəndində anadan olmuşdur. Azərbaycan Dövlət Universitetinin Tarix fakültəsini bitirmişdir. Tarix elmləri doktoru, professordur. «Tərəqqi» medalı, 3-cü dərəcəli «Vətənə xidmətə görə» ordeni ilə təltif edilmiş, «Azərbaycan Respublikası Prezidentinin fəxri diplomu»na layiq görülmüşdür. 20 monoqrafiya, 8 dərs vəsaiti və 260-dan çox elmi məqalənin müəllifidir. Rus dilini bilir.
1978–1982-ci illərdə Masallı rayonunda orta məktəblərdə müəllim, direktor müavini işləmiş, 1982–1984-cü illərdə Azərbaycan Dövlət Neft və Kimya İnstitutunda kabinet müdiri olmuş, 1984–1999-cu illərdə Azərbaycan Dövlət Universitetinin Mənbəşünaslıq, tarixşünaslıq və metodika kafedrasının baş laborantı, müəllimi, baş müəllimi, dosenti vəzifələrində çalışmışdır. 1999-cu ildən Bakı Dövlət Universitetinin Mənbəşünaslıq, tarixşünaslıq və metodika kafedrasının müdiridir.
Yeni Azərbaycan Partiyası İdarə Heyətinin üzvüdür.
Milli Məclisin İctimai birliklər və dini qurumlar komitəsinin, Elm və təhsil komitəsinin üzvüdür. Azərbaycan-İordaniya parlamentlərarası əlaqələr üzrə işçi qrupunun rəhbəri, Çexiya, Gürcüstan, İraq, Özbəkistan, Səudiyyə Ərəbistanı, Türkiyə parlamentləri ilə əlaqələr üzrə işçi qruplarının üzvüdür.
Evlidir, 2 övladı var.

Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU