BAYRAMOV Vüqar İbad oğlu

Dairə: 84 saylı Füzuli seçki dairəsi

1975-ci il iyunun 13-də Füzuli rayonunun Aşağı Güzlək kəndində anadan olmuşdur. Azərbaycan Dövlət İqtisad Universitetinin Maliyyə-kredit fakültəsini və Vaşinqton Universitetinin İqtisadiyyat fakültəsini bitirmişdir. İqtisad elmləri üzrə fəlsəfə doktorudur. 37 elmi məqalənin müəllifidir. İngilis və rus dillərini bilir.
1999–2001-ci illərdə Azərbaycan Dövlət İqtisad Universitetinin müəllimi, 2001–2002-ci illərdə Azərbaycan Respublikasının Əmlak Məsələləri Dövlət Komitəsinin məsləhətçisi olmuş, 2015–2019-cu illərdə Asiya İnkişaf Bankı ilə Azərbaycan Respublikası Əmək və Əhalinin Sosial Müdafiəsi Nazirliyinin birgə proqramlarında iqtisadiyyat üzrə milli ekspert, «Pricewater House Coopers» audit şirkətinin Azərbaycan Respublikası Maliyyə Nazirliyi ilə birgə dəstək proqramının maliyyə üzrə milli eksperti kimi çalışmışdır. 2019-cu ildən İqtisadi və Sosial İnkişaf Mərkəzi İctimai Birliyinin sədridir.
Bitərəfdir.
Milli Məclisin İqtisadi siyasət, sənaye və sahibkarlıq komitəsinin, Əmək və sosial siyasət komitəsinin üzvüdür. Azərbaycan-Malayziya parlamentlərarası əlaqələr üzrə işçi qrupunun rəhbəri, Amerika Birləşmiş Ştatları, Almaniya Federativ Respublikası, Avstriya, Belçika, Böyük Britaniya, Braziliya, Cənubi Afrika Respublikası, İtaliya, Türkiyə, Yaponiya parlamentləri ilə əlaqələr üzrə işçi qruplarının üzvüdür.
Avronest Parlament Assambleyasında Azərbaycan nümayəndə heyətinin üzvüdür.
Evlidir, 2 övladı var.

Partiya mənsubiyyəti: Bitərəf
Üzv olduğu komitə və komissiyalar:
İqtisadi siyasət, sənaye və sahibkarlıq komitəsi
Əmək və sosial siyasət komitəsi
Üzv olduğu Beynəlxalq təşkilatlar:
Avropa İttifaqı - Azərbaycan Parlament Əməkdaşlıq Komitəsi
Avronest Parlament Assambleyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU