SƏFƏROV Nizami Abdulla oğlu

Dairə: 102 saylı Samux-Şəmkir seçki dairəsi

1960-cı il noyabrın 30-da Bakı şəhərində anadan olmuşdur. Azərbaycan Dövlət Universitetinin Hüquq fakültəsini bitirmişdir. Moskva Dövlət Universitetinin Hüquq fakültəsinin aspiranturasında və Rusiya Xarici İşlər Nazirliyi Moskva Dövlət Beynəlxalq Münasibətlər İnstitutunun doktoranturasında təhsil almışdır. Hüquq elmləri doktorudur. 2-ci dərəcə dövlət müşaviridir. «Dövlət qulluğunda fərqlənməyə görə» medalı və 3-cü dərəcəli «Vətənə xidmətə görə» ordeni ilə təltif edilmişdir. Xarici ölkələrdə nəşr edilmiş 5 monoqrafiya və 120 elmi məqalənin müəllifidir. Rus və ingilis dillərini bilir.
Azərbaycan Respublikası Məhkəmə-Hüquq Şurasının, Azərbaycan Respublikasının Baş prokuroru yanında Elmi-Məsləhət Şurasının üzvüdür.
1983–1985-ci illərdə SSRİ Baş Prokurorluğunun elmi tədqiqat institutunda stajkeçən-tədqiqatçı, 1989–1991-ci illərdə Azərbaycan EA Fəlsəfə və Hüquq İnstitutunun elmi işçisi, şöbə müdiri, 1991–1992-ci illərdə Azərbaycan Respublikası Ədliyyə Nazirliyinin Hüquq Kadrlarını Təkmilləşdirmə İnstitutunun prorektoru, 1992–1994-cü illərdə Ədliyyə Nazirliyinin Beynəlxalq hüquq əməkdaşlığı şöbəsinin rəisi olmuş, 1994–1995-ci illərdə Azərbaycan Respublikası Ali Soveti Katibliyinin, 1995–1998-ci illərdə Azərbaycan Respublikası Milli Məclisi Aparatının Konstitusiya qanunvericiliyi şöbəsi müdirinin müavini, Dövlət quruculuğu üzrə qanunvericilik şöbəsi müdirinin müavini, 1998–2019-cu illərdə İnzibati və hərbi qanunvericilik şöbəsinin müdiri vəzifələrində çalışmışdır.
Yeni Azərbaycan Partiyası Təftiş komissiyasının üzvüdür.
Milli Məclisin Hüquq siyasəti və dövlət quruculuğu komitəsinin, Müdafiə, təhlükəsizlik və korrupsiya ilə mübarizə komitəsinin, İntizam komissiyasının üzvüdür. Azərbaycan-Rusiya parlamentlərarası əlaqələr üzrə işçi qrupunun rəhbəri, Almaniya Federativ Respublikası, Böyük Britaniya, Estoniya, Xorvatiya, Kanada, Latviya, Litva, Pakistan, Polşa, Türkiyə, Yunanıstan parlamentləri ilə əlaqələr üzrə işçi qruplarının üzvüdür.
MDB-nin Parlamentlərarası Assambleyasında Azərbaycan nümayəndə heyətinin, Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyanın üzvüdür.
Evlidir, 2 övladı var.

Partiya mənsubiyyəti: Yeni Azərbaycan Partiyası
Üzv olduğu komitə və komissiyalar:
Hüquq siyasəti və dövlət quruculuğu komitəsi
İntizam komissiyası
Müdafiə, təhlükəsizlik və korrupsiya ilə mübarizə komitəsi
Üzv olduğu Beynəlxalq təşkilatlar:
Müstəqil Dövlətlər Birliyi Parlamentlərarası Assambleyası
Azərbaycan Respublikası Milli Məclisi və Rusiya Federasiyası Federal Məclisi parlamentlərarası əməkdaşlıq komissiyası
Azərbaycan Respublikası Milli Məclisi və Rusiya Federasiyası Federal Məclisi Dövlət Dumasının parlamentlərarası əməkdaşlıq komissiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU