AĞAYEVA Ülviyyə Cavanşir qızı

Dairə: 106 saylı Tovuz-Qazax- Ağstafa

1978-ci il sentyabrın 18-də Bakı şəhərində anadan olmuşdur. Azərbaycan Dillər Universitetinin Filologiya fakültəsini, eləcə də Dilşünaslıq ixtisası üzrə magistr pilləsini bitirmişdir. Filologiya üzrə fəlsəfə doktorudur. Dövlət qulluğu müşaviridir. 1 monoqrafiyanın, 100-dən çox elmi-publisistik məqalənin müəllifidir. Ümumdünya Sülh Federasiyası tərəfindən Sülh səfiri adına layiq görülmüşdür. Rus və ingilis dillərini bilir.
1999–2000-ci illərdə «Azercell Telekom» Birgə Müəssisəsinin mütəxəssisi, 2005–2008-ci illərdə Azərbaycan Kooperasiya Universitetinin müəllimi olmuş, 2008 – 2015-ci illərdə Azərbaycan Respublikası Prezidenti Administrasiyasının Humanitar siyasət məsələləri şöbəsində müxtəlif məsul vəzifələrdə çalışmışdır. 2015-ci ildən AMEA-nın Nizami Gəncəvi adına Ədəbiyyat İnstitutunun böyük elmi işçisidir.
Bitərəfdir.
Beşinci çağırış Azərbaycan Respublikası Milli Məclisinin deputatı olmuşdur.
2018–2020-ci illərdə Avropa Şurasının Parlament Assambleyasında Azad demokratlar qrupu sədrinin müavini, Mədəniyyət, elm, təhsil və media komitəsi sədrinin müavini olmuşdur.
Milli Məclisin Elm və təhsil komitəsinin, Mədəniyyət komitəsinin üzvüdür. Avstriya, Bəhreyn, Birləşmiş Ərəb Əmirlikləri, Böyük Britaniya, Çexiya, Danimarka, İspaniya, İsveç, İsveçrə, İtaliya, Koreya, Qazaxıstan, Latviya, Mərakeş, Niderland, Türkiyə parlamentləri ilə əlaqələr üzrə işçi qruplarının üzvüdür.
ATƏT-in Parlament Assambleyasında Azərbaycan nümayəndə heyətinin üzvüdür.
Evlidir, 2 övladı var.

Partiya mənsubiyyəti: Bitərəf
Üzv olduğu komitə və komissiyalar:
Mədəniyyət komitəsi
Elm və təhsil komitəsi
Üzv olduğu Beynəlxalq təşkilatlar:
Avropada Təhlükəsizlik və Əməkdaşlıq Təşkilatının Parlament Assambleyası
Üzv olduğu Parlamentlərarası əlaqələr üzrə işçi qruplar:
Azərbaycan-Avstriya parlamentlərarası əlaqələr üzrə işçi qrupu - üzv
Azərbaycan-Bəhreyn parlamentlərarası əlaqələr üzrə işçi qrupu - üzv
Azərbaycan-Birləşmiş Ərəb Əmirlikləri parlamentlərarası əlaqələr üzrə işçi qrupu - üzv
Azərbaycan-Böyük Britaniya parlamentlərarası əlaqələr üzrə işçi qrupu - üzv
Azərbaycan-Çexiya parlamentlərarası əlaqələr üzrə işçi qrupu - üzv
Azərbaycan-Danimarka parlamentlərarası əlaqələr üzrə işçi qrupu - üzv
Azərbaycan-İspaniya parlamentlərarası əlaqələr üzrə işçi qrupu - üzv
Azərbaycan-İsveç parlamentlərarası əlaqələr üzrə işçi qrupu - üzv
Azərbaycan-İsveçrə parlamentlərarası əlaqələr üzrə işçi qrupu - üzv
Azərbaycan-İtaliya parlamentlərarası əlaqələr üzrə işçi qrupu - üzv
Azərbaycan-Koreya parlamentlərarası əlaqələr üzrə işçi qrupu - üzv
Azərbaycan-Qazaxıstan parlamentlərarası əlaqələr üzrə işçi qrupu - üzv
Azərbaycan-Latviya parlamentlərarası əlaqələr üzrə işçi qrupu - üzv
Azərbaycan-Mərakeş parlamentlərarası əlaqələr üzrə işçi qrupu - üzv
Azərbaycan-Niderland parlamentlərarası əlaqələr üzrə işçi qrupu - üzv
Azərbaycan-Rumıniya parlamentlərarası əlaqələr üzrə işçi qrupu - üzv
Azərbaycan-Türkiyə parlamentlərarası əlaqələr üzrə işçi qrupu - üzv
Azərbaycan-Monqolustan parlamentlərarası əlaqələr üzrə işçi qrupu - üzv

Köməkçi: Arzu Musayeva
Telefon: +99455 649-30-70
E-mail: 106sayli_sd@meclis.gov.az

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU