GƏNCƏLİYEV Tural Babaşah oğlu

Dairə: 122 saylı Xankəndi seçki dairəsi

1980-ci il martın 6-da Şuşa şəhərində anadan olmuşdur. Bakı Dövlət Universitetinin Hüquq fakültəsinin Hüquqşünas ixtisası üzrə bakalavr və magistr pillələrini bitirmişdir. İngilis, rus və fransız dillərini bilir.
«Azərbaycan Respublikası Dağlıq Qarabağ bölgəsinin azərbaycanlı icması» İctimai Birliyinin İdarə Heyətinin sədridir.
Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvüdür.
2002–2003-cü illərdə Azərbaycan Respublikasının İnsan hüquqları üzrə müvəkkili (ombudsman) Aparatında böyük məsləhətçi, 2004–2008-ci illərdə Azərbaycan Respublikası Xarici İşlər Nazirliyinin Təhlükəsizlik Problemləri İdarəsinin referenti, attaşesi, III katibi vəzifələrində çalışmış, 2009–2012-ci illərdə Azərbaycan Respublikasının Kanadada Səfirliyinin II katibi, 2012–2014-cü illərdə Azərbaycan Respublikası Xarici İşlər Nazirliyinin Amerika İdarəsinin II katibi, 2014–2018-ci illərdə Azərbaycan Respublikasının Çexiyada Səfirliyinin I katibi, 2018–2020-ci illərdə Azərbaycan Respublikası Xarici İşlər Nazirliyinin Beynəlxalq Hüquq və Müqavilələr İdarəsinin I katibi olmuşdur.
Bitərəfdir.
Milli Məclisin İnsan hüquqları komitəsinin, Beynəlxalq münasibətlər və parlamentlərarası əlaqələr komitəsinin üzvüdür. Almaniya Federativ Respublikası, Amerika Birləşmiş Ştatları, Böyük Britaniya, Fransa, İspaniya, İsveç, İtaliya, Meksika, Portuqaliya parlamentləri ilə əlaqələr üzrə işçi qruplarının üzvüdür.
Parlamentlərarası İttifaqda, ATƏT-in Parlament Assambleyasında, Avropa Şurasının Parlament Assambleyasında və Avronest Parlament Assambleyasında Azərbaycan nümayəndə heyətlərinin üzvü, Avropa İttifaqı–Azərbaycan parlament əməkdaşlıq komitəsində Azərbaycan nümayəndə heyətinin rəhbəridir.
Evlidir.

Partiya mənsubiyyəti: Bitərəf
Üzv olduğu komitə və komissiyalar:
İnsan hüquqları komitəsi
Beynəlxalq münasibətlər və parlamentlərarası əlaqələr komitəsi

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU