HƏMZƏYEV Naqif Ələşrəf oğlu

Dairə: 38 saylı Nizami ikinci (Gəncə) seçki dairəsi
1983-cü il mayın 24-də Ermənistan Respublikası Vardenis rayonunun Nərimanlı kəndində anadan olmuşdur. Bakı Dövlət Universiteti Tarix
fakültəsinin bakalavr və magistr pillələrini bitirmişdir. İngilis və rus dillərini bilir.
2009-cu ildən Azərbaycan Dövlət Aqrar Universitetində müəllim, Beynəlxalq əlaqələr şöbəsinin mütəxəssisi, İnformasiya və Kommunikasiya Texnologiyaları Mərkəzinin direktoru, 2012-ci ildən İnformasiya Texnologiyaları və Beynəlxalq Əlaqələr Mərkəzi İnnovasiya şöbəsinin müdiri vəzifələrində çalışmışdır. 2013–2014-cü illərdə Gəncə Şəhər Kəpəz Rayon İcra
Hakimiyyəti başçısının müavini, 2015-ci ildə Gəncə Şəhər İcra Hakimiyyəti başçısının birinci müavini olmuşdur.
Yeni Azərbaycan Partiyası Gəncə şəhər təşkilatının sədridir.
Milli Məclisin Gənclər və idman komitəsinin üzvüdür. Avstraliya və Yeni Zelandiya, Çin, Gürcüstan, Qazaxıstan, Latviya, Mavritaniya, Portuqaliya, Sloveniya, Türkiyə, Ukrayna parlamentləri ilə əlaqələr üzrə işçi qruplarının üzvüdür.
Evlidir, 2 övladı var
Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU