Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş “Gömrük orqanlarında xidmət haqqında Əsasnamə”də dəyişiklik edilməsi barədə

Qanun layihələri
24 noyabr 2026   
    
  • I OXUNUŞ
  • Müzakirədə iştirak edin

24 noyabr 2026

Layihə
 
AZƏRBAYCAN RESPUBLİKASININ QANUNU
Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş “Gömrük orqanlarında xidmət haqqında Əsasnamə”də dəyişiklik edilməsi barədə
 
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci və 19-cu bəndlərini rəhbər tutaraq qərara alır:
Azərbaycan Respublikasının 1999-cu il 7 dekabr tarixli 768-IQ nömrəli Qanunu (Azərbaycan Respublikasının Qanunvericilik Toplusu, 2000, № 1, maddə 12 (Cild I); 2024, № 6 (I kitab), maddə 636, № 8, maddə 934, № 12 (II kitab), maddə 1337; 2026,  № 3, maddə 210) ilə təsdiq edilmiş “Gömrük orqanlarında xidmət haqqında Əsasnamə”də aşağıdakı dəyişikliklər edilsin:
1. 52-ci və 53-cü maddələr aşağıdakı redaksiyada verilsin: 
“52. Bu Əsasnamənin 53-cü maddəsinin 1-ci və 2-ci bəndlərində nəzərdə tutulmuş hallarda gömrük orqanlarının vəzifəli şəxslərinin başqa işə keçirilməsinə həmin şəxslərin razılığı əsasında yol verilir.
53. Gömrük orqanlarının vəzifəli şəxsləri aşağıdakı hallarda başqa işə keçirilirlər:
1) yuxarı vəzifəyə keçirildikdə;
2) ailə vəziyyətinə görə;
3) tibb komissiyasının rəyinə əsasən səhhətinə görə;
4) yaş həddinə görə; 
5) rotasiya qaydasında; 
6) Azərbaycan Respublikasının gömrük işini aparan icra hakimiyyəti orqanının göndərişi əsasında əyani təhsil müəssisələrinə əyani təhsilalma formasına qəbul olunmaları ilə əlaqədar vəzifədən azad edildikdən sonra təhsillərini başa vurduqda; 
7) aşağıdakı hallarda aşağı vəzifəyə keçirildikdə:
ştatların ixtisarı nəticəsində bərabər vəzifəyə keçirilməsi mümkün olmadıqda;
attestasiyanın nəticələrinə görə tutduğu vəzifəyə uyğun gəlmədiyi müəyyən edildikdə;
intizam tənbehi qaydasında.”.
2. Aşağıdakı məzmunda 53-1-ci maddə əlavə edilsin:
“53-1. Gömrük orqanlarının vəzifəli şəxslərinin rotasiyasının keçirilməsi qaydası Azərbaycan Respublikasının gömrük işini aparan icra hakimiyyəti orqanı tərəfindən müəyyən edilir.”.
 
Azərbaycan Respublikasının Prezidenti

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU