Azərbaycan Respublikasının Milli Məclisi qərara alır: 

I. “Şəhərsalmanın əsasları haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1999-cu il, No– 8, maddə 473; 2001-ci il, No– 11, maddə 676; 2002-ci il, No– 5, maddə 241; 2007-ci il, No– 10, maddə 938; 2008-ci il, No– 7, maddə 602) 25-ci maddəsinin birinci hissəsinə aşağıdakı dəyişikliklər və əlavə edilsin:
1. ikinci-altıncı abzaslar aşağıdakı redaksiyada verilsin:
“xüsusi razılıq (lisenziya) olmadan I və II məsuliyyət səviyyəli bina və qurğuların layihələndirilməsi, mühəndis-axtarış və tikinti-quraşdırma işləri ilə məşğul olduqda;
baş planlarda, müfəssəl planlaşdırma və ərazi-tikinti layihələrində və mövcud ərazilərin memarlıq-planlaşdırma həllərində müvafiq rəy alınmadan dəyişiklik edildikdə;
mühəndis-axtarış işləri və layihə sənədlərinin dövlət ekspertizası aparılmadan I və II məsuliyyət səviyyəli bina və qurğuların tikintisi həyata keçirildikdə; 
mühəndis-axtarış və tikinti-quraşdırma işlərinin yerinə yetirilməsi zamanı tikinti norma və qaydaları pozulduqda;
tikintisi başa çatmış bina və qurğuların istismara verilməsi qaydaları pozulduqda;”;
2. yeddinci-onuncu və on ikinci-on beşinci abzaslar çıxarılsın;
3. on birinci abzas müvafiq olaraq yeddinci abzas hesab edilsin, həmin hissəyə aşağıdakı məzmunda səkkizinci abzas əlavə edilsin:
“tikintidə təhlükəsizliyə nəzarət edən orqanın fəaliyyətinə maneçilik törədildikdə və həmin orqanın göstərişlərinə əməl edilmədikdə.”. 

II. Bu Qanun dərc edildiyi gündən qüvvəyə minir.