Azərbaycan Respublikasının Dövlət Sosial Müdafiə Fondunun 2005-ci il büdcəsi haqqında AZƏRBAYCAN RESPUBLİKASININ Q A N U N U
Azərbaycan Respublikasının Dövlət Sosial
Müdafiə Fondunun 2005-ci il büdcəsi haqqında
AZƏRBAYCAN RESPUBLİKASININ
Q A N U N U
Maddə 1. Azərbaycan Respublikasının Dövlət Sosial Müdafiə Fondunun 2005-ci il büdcəsinin gəlirləri 2478500,0 milyon manat, xərcləri 2478500,0 milyon manat məbləğində təsdiq edilir.
Maddə 2. Müəyyən edilsin ki, 2005-ci ildə Azərbaycan Respublikasının Dövlət Sosial Müdafiə Fondunun gəlirləri aşağıdakı daxilolmalar hesabına formalaşır.
(milyon manat)
| Gəlirlərin mənbələri | |
| 1. Məcburi dövlət sosial sığorta haqları o cümlədən: | 1561000,0 |
| 1.1. büdcədən maliyyələşən təşkilatlar üzrə | 483000,0 |
| 1.2. büdcədən maliyyələşən təşkilatlarda işləyənlər üzrə | 69000,0 |
| 1.3. dövlət büdcəsindən ayrılan dotasiya hesabına və büdcə təşkilatlarının büdcədənkənar vəsaitləri üzrə daxilolmalar | 27000,0 |
| 1.4. digər sığortaedənlər üzrə | 982000,0 |
| 2. Sair gəlirlər o cümlədən: | 2500,0 |
| 2.1. sanatoriya-kurort yollayışlarının qismən dəyəri üzrə daxilolmalar | 2500,0 |
| 3. Dövlət büdcəsindən ayırmalar (transfert) o cümlədən: | 915000,0 |
| 3.1. sosial pensiyaçıların və onlara bərabər tutulanların pensiyalarının ödənilməsinə | 85000,0 |
| 3.2. müavinətlərin ödənilməsinə | 621000,0 |
| 3.3. kommunal, nəqliyyat və digər xidmətlər üzrə güzəştlərin əvəzinə verilən müavinətlərin ödənilməsinə | 209000,0 |
Maddə 3. Müəyyən edilsin ki, Azərbaycan Respublikasının Dövlət Sosial Müdafiə Fondunun 2005-ci il büdcəsinin xərcləri aşağıdakı istiqamətlərdə həyata keçirilir.
(milyon manat)
| Xərclərin istiqamətləri | |
| 1. Əhaliyə ödənişlər, cəmi o cümlədən: | 2345500,0 |
| 1.1. əmək (sosial sığorta) pensiyalarının ödənilməsinə | 1244500,0 |
| 1.2. sosial pensiyaçıların və onlara bərabər tutulanların pensiyalarının ödənilməsinə | 85000,0 |
| 1.3. Müavinət və ödənişlər üzrə cəmi o cümlədən: | 1016000,0 |
| 1.3.1. məcburi dövlət sosial sığorta haqları hesabına müavinət və ödənişlərə ondan: | 186000,0 |
| əmək qabiliyyətinin müvəqqəti itirilməsinə görə | 54000,0 |
| Hamiləliyə və doğuşa görə | 26400,0 |
| uşağın anadan olmasına görə | 17600,0 |
| 3 yaşına çatanadək uşaqlara qulluqla əlaqədar | 6200,0 |
| dəfn üçün | 25200,0 |
| işləməyən əmək pensiyaçılarının pensiya və müavinətlərinin ümumi məbləğinin minimum həddinin artırılması xərclərinin bir hissəsinə | 54900,0 |
| Ermənistan Respublikasının müəssisələrində əmək xəsarətinə görə ödənc alan qaçqın statuslu zərərçəkənlərə | 1500,0 |
| ləğv olunmuş təqsirkar kolxoz və sovxozlarda əmək zədəsi alanlara | 200,0 |
| 1.3.2. Dövlət büdcəsinin vəsaiti hesabına pensiyalara əlavə olunan müavinətlərin ödənilməsinə ondan: | 621000,0 |
| İşləməyən pensiyaçılara | 160500,0 |
| Azərbaycan Respublikasını erməni təcavüzündən müdafiə edərkən və 1990-cı il 20 Yanvar hadisələri zamanı əlil olmuş şəxslərə, cəmi o cümlədən: | 5600,0 |
| I qrup əlillərə | 585,0 |
| II qrup əlillərə | 3815,0 |
| III qrup əlillərə | 1200,0 |
| 1941-1945-ci illər Böyük Vətən müharibəsi iştirakçılarına, həlak olmuş, yaxud sonralar vəfat etmiş döyüşçülərin dul arvadlarına | 12500,0 |
| 1941-1945-ci illər Böyük Vətən müharibəsi illərində arxa cəbhədə çalışmış, fədakar əməyinə görə orden və medallarla təltif edilmiş vətəndaşlara | 4400,0 |
| 70 yaşından yuxarı tənha ahıl vətəndaşlara | 4360,0 |
| hərbi xidmət vəzifələrini yerinə yetirərkən əlil olmuş şəxslərə, cəmi o cümlədən: | 660,0 |
| I qrup əlillərə | 130,0 |
| II qrup əlillərə | 445,0 |
| III qrup əlillərə | 85,0 |
| İşləməyən əmək pensiyaçılarının pensiya və müavinətlərinin ümumi məbləğinin minimum həddinin artırılması xərclərinin bir hissəsinə | 426780,0 |
| dövlət büdcəsi vəsaiti hesabına ödənilən pensiya və müavinətlərin əhaliyə çatdırılması və bank əməliyyatlarının aparılması üzrə xərclər | 6200,0 |
| 1.3.3. Kommunal, nəqliyyat və digər xidmətlər üzrə güzəştlərin əvəzinə verilən aylıq müavinətlərin ödənilməsinə, cəmi ondan: | 209000,0 |
| Azərbaycan dövlətinin ərazi bütövlüyünün, müstəqilliyinin və konstitusiya quruluşunun müdafiəsi zamanı əlil olanlara, Böyük Vətən müharibəsi əlillərinə, müharibə əlillərinə bərabər tutulanlara | 18200,0 |
| Böyük Vətən müharibəsi iştirakçılarına | 6800,0 |
| həlak olmuş döyüşçülərin dul arvadlarına | 1900,0 |
| Sovet İttifaqı və Sosialist Əməyi Qəhrəmanlarına, üç dərəcəli Şöhrət ordeninin hər hansı bir dərəcəsi ilə təltif edilmiş şəxslərə | 60,0 |
| Böyük Vətən müharibəsindən sonralar vəfat etmiş döyüşçülərin dul arvadlarına | 11600,0 |
| 1941-1945-ci illərdə arxa cəbhədə fədakar əməyinə görə orden və medallarla təltif edilmiş şəxslərə müavinət, ikinci Dünya müharibəsi illərində döyüşən cəbhələrin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə müavinət, ikinci Dünya müharibəsi dövründə Leninqrad şəhərinin müdafiəsi zamanı şəhərin müəssisələrində, idarə və təşkilatlarında işləmiş və "Leninqradın müdafiəsinə görə" medalı, "Leninqrad mühasirəsində yaşayan" döş nişanı ilə təltif edilmiş şəxslərə, başqa ölkələrin ərazisində gedən məhəlli müharibələrdə və hərbi birləşmələrin tərkibində iştirak etmiş şəxslərə və keçmiş SSRİ Silahlı Qüvvələrinin, Dövlət Təhlükəsizliyi Komitəsinin, Daxili İşlər Nazirliyinin mütəxəssisləri və müşavirləri kimi iştirak etmiş şəxslərə | 8260,0 |
| Azərbaycan Respublikasının ərazi bütövlüyü uğrunda döyüşlərdə iştirak etmiş və müharibə veteranı statusu qazanmış vətəndaşlara | 25000,0 |
| təbii qazın əhaliyə satış qiymətlərinin artımı ilə əlaqədar imtiyazlı kontingentə kompensasiya | 34000,0 |
| şəhid ailəsi üzvlərinin hər birinə | 9000,0 |
| Çernobıl qəzası əlillərinə, sosial pensiyaçılara, I və II qrup əlillərə (müharibə əlilləri və onlara bərabər tutulanlar istisna olmaqla) | 90290,0 |
| həqiqi hərbi xidmət dövründə Çernobıl qəzasının nəticəsində aradan qaldırılmasına cəlb edilmiş və həmin qəza nəticəsində əlil olmuş hərbi qulluqçulara | 670,0 |
| valideynlərini itirmiş və valideyn himayəsindən məhrum olmuş uşaqlara | 360,0 |
| Çernobıl qəzasının nəticələrinin ləğvində iştirak etmiş və həmin qəzadan zərər çəkmiş vətəndaşlara müalicə üçün ildə bir dəfə verilən müavinət xərcləri | 2500,0 |
| 1990-cı il 20 Yanvar hadisələri zamanı əlil olmuş şəxslərə | 360,0 |
| 2. Sığortaolunanların sanatoriya-kurort müalicəsi və sağlamlaşdırma tədbirlərinin həyata keçirilməsi üzrə Azərbaycan Həmkarlar İttifaqları Konfederasiyası vasitəsilə maliyyələşdirilən xərclər, cəmi o cümlədən: | 24600,0 |
| 2.1. sanatoriya-kurort müalicəsi və istirahət üçün yollayışların (putyovkaların) alınmasına | 19930,0 |
| 2.2. sığortaolunanların uşaqlarının sağlamlıq düşərgələrinə istirahətinin təşkilinə | 330,0 |
| 2.3.sanatoriya-profilaktoriyalara yemək xərcləri, tibb xidməti və ştatların saxlanılmasına | 240,0 |
| 2.4. Azərbaycan Həmkarlar İttifaqları Konfederasiyasının idman cəmiyyətlərinə məxsus idman qurğularının qismən saxlanılmasına (işçilərin əmək haqqının ödənilməsi) | 3260,0 |
| 2.5. Həmkarlar İttifaqlarının texniki və əməyin hüquqi müfəttişliyinin, etimadlı həkimlərin, sağlamlaşdırma işi ilə məşğul olan təlimatçıların saxlanılmasına | 840,0 |
| 3. Məcburi dövlət sosial sığorta haqları hesabına ödənilən pensiya və müavinətlərin əhaliyə çatdırılması və bank əməliyyatlarının aparılması üzrə xidmət haqqı xərcləri, pensiyaların və pensiyalara əlavə olunan müavinətlərin ödənişinin kart sisteminə keçidin tətbiqi ilə bağlı xərclər | 23400,0 |
| 4. Məşğulluq tədbirlərinin həyata keçirilməsi, məşğulluq orqanlarının saxlanılması xərcləri, cəmi o cümlədən: | 16730,0 |
| 4.1 işsizlik müavinətinin ödənilməsinə | 7030,0 |
| 4.2. peşə hazırlığı, yenidən hazırlıq və ixtisasartırma kurslarının təşkilinə | 900,0 |
| 4.3. haqqı ödənilən ictimai işlərin təşkilinə | 400,0 |
| 4.4. işsizlər üçün yeni məsləhət xidmətlərinin, əmək birjalarının yaradılması işlərinin həyata keçirilməsi, əmək yarmarkalarının keçirilməsinə | 700,0 |
| 4.5. məşğulluq orqanlarının saxlanılmasına | 7700,0 |
| 5. Miqrasiya idarəsinin saxlanılmasına | 270,0 |
| 6. Əlillərin sosial müdafiəsi tədbirlərinin həyata keçirilməsi və əlillərin sosial müdafiəsi orqanlarının saxlanılması xərcləri, cəmi o cümlədən: | 25900,0 |
| 6.1. əlillərin sağlamlığının mühafizəsi və tibbi bərpasına | 2880,0 |
| 6.2. əlillik problemi ilə bağlı informasiya təminatının, əlillərin yaradıcılıq və asudə vaxtlarının, idman və bədən tərbiyəsi üzrə tədbirlərin təşkilinə | 4630,0 |
| 6.3. əlillərə maddi və texniki yardımın təşkilinə | 1310,0 |
| 6.4. əlillər üçün mənzil tikintisinə | 14130,0 |
| 6.5. əlilləri sosial müdafiəsi orqanlarının saxlanılmasına | 2950,0 |
| 7. 2003 - 2005-ci illərdə Azərbaycan Respublikasında Yoxsulluğun azaldılması və İqtisadi İnkişaf üzrə Dövlət Proqramında nəzərdə tutulmuş tədbirlərin maliyyələşdirilməsi xərcləri o cümlədən: | 5745,0 |
| 7.1. Sığortaolunanların fərdi uçot sisteminin tətbiqi ilə bağlı xərclərə | 5000,0 |
| 7.2. Proqnozlaşma modellərindən istifadə olunması mövcud sosial sığorta və pensiya qanunvericiliyinin təkmilləşdirilməsi, monitorinq və qiymətləndirmə sisteminin yaradılması ilə yeni sosial sığorta siyasətinin əsaslarının hazırlanmasına, informasiya izahat işlərinin aparılmasına | 255,0 |
| 7.3. Pensiya sisteminin səmərəli idarə olunması üçün idarəetmə strukturunun təkmilləşdirilməsinə | 490,0 |
| 8. Dövlət Sosial Müdafiə Fondunun Mərkəzi aparatının və onun yerli orqanlarının saxlanılması xərcləri | 34300,0 |
| 9. Fondun Naxçıvan Muxtar Respublika İdarəsinin inzibati binasının inşası üzrə xərclər | 800,0 |
| 10. Beynəlxalq Sosial Təminat Assosiasiyasına üzvlük haqqının ödənilməsi xərcləri | 55,0 |
| 11. Tətbiq olunmuş maliyyə sanksiyalarından daxil olan vəsaitlər üzrə xərclər | 1200,0 |
Maddə 4. Sığortaedənlər tərəfindən məcburi dövlət sosial sığorta haqlarının ödənilməsi əmək haqqı ödənişləri ilə birlikdə həyata keçirilir.
Maddə 5. Sığortaedənlərin keçmiş Dövlət Məşğulluq və Əlilləri Sosial Müdafiə fondlarına ayırmalar üzrə qalan borcları Azərbaycan Respublikası Dövlət Sosial Müdafiə Fondunun orqanlarına köçürülür.
Maddə 6. Azərbaycan Respublikası Dövlət Sosial Müdafiə Fondunun hesabında və onun yerli orqanlarının hesablarında ilin sonuna qalan vəsait və pensiya, müavinət, əmək haqqı və bunların çatdırılması ilə bağlı məsrəflərin bu Qanunla təsdiq olunmuş məbləğlərinin icra olunmamış hissəsi növbəti ilin müvafiq gəlir və xərclərinə aid edilir.
Maddə 7. Azərbaycan Respublikası Dövlət Sosial Müdafiə Fondunun 2005-ci il büdcəsinin icrası zamanı iqtisadi təsnifata uyğun olaraq məcburi dövlət sosial sığorta haqları hesabına ödənilən pensiya və müavinətlər, habelə digər xərc maddələri üzrə qənaət yarandığı halda digər maddələrə yönəldilə bilər.
Azərbaycan Respublikası Dövlət Sosial Müdafiə Fondunun 2005-ci il büdcəsinin icrası zamanı iqtisadi təsnifata uyğun olaraq dövlət büdcəsindən ayırmalar (transfert) hesabına ödənilən pensiya və müavinətlər, habelə digər xərc maddələri üzrə qənaət yarandığı halda, bu vəsait yalnız dövlət büdcəsindən ayırmalar (transfert) hesabına ödənilməli olan digər maddələrə yönəldilə bilər.
Maddə 8. Müəyyən edilsin ki, sığortaolunanlara əmək qabiliyyətinin müvəqqəti itirilməsinə görə hesablanmış müavinətin ilk 14 günlük məbləği sığortaedənin vəsaiti hesabına ödənilir.
Maddə 9. Bu Qanun 2005-ci il yanvarın 1-dən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 3 dekabr 2004-cü il
N 790-IIQ