“Dövlət rüsumu haqqında” Azərbaycan Respublikasının
Qanununa dəyişiklik və əlavələr edilməsi barədə

AZƏRBAYCAN   RESPUBLİKASININ
Q   A   N   U   N   U

Azərbaycan Respublikasının Milli Məclisi qərara alır:

“Dövlət rüsumu haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, No– 12, maddə 740; 2002-ci il, No– 12, maddə 706; 2003-cü il, No– 1, maddə 23, No– 8, maddə 428, No– 12, I kitab, maddələr 676, 698; 2005-ci il, No– 1, maddə 1, No– 6, maddə 462, No– 8, maddə 684, No– 10, maddələr 873, 905, No– 12, maddə 1083; 2006-cı il, No– 3, maddələr 223, 225, No– 6, maddə 481, No– 12, maddələr 1015, 1029; 2007-ci il, No– 2, maddə 80, No– 12, maddə 1203; 2008-ci il, No– 3, maddə 158, No– 6, maddə 462, No– 7, maddə 602, No– 12 maddə 1047; 2009-cu il, No– 1, maddə 5, No– 2, maddə 56, No– 3, maddə 160, No– 7, maddə 519) aşağıdakı dəyişiklik və əlavələr edilsin:
1. 18.11-ci, 18.12.1-ci, 18.12.2-ci, 18.33-cü, 18.34-cü, 18.48-ci maddələrdə ismin müvafiq hallarında “apellyasiya komissiyası” sözləri ismin müvafiq hallarında “apellyasiya şurası” sözləri ilə əvəz edilsin;
2. aşağıdakı məzmunda 18.34-1-ci, 18.34-2-ci  və 18.34-3-cü maddələr əlavə edilsin:
“18.34-1. Əmtəə nişanının geniş tanınmasına dair Apellyasiya şurasına ərizənin verilməsi üçün – 150 manat.
18.34-2. Geniş tanınmış əmtəə nişanına qarşı verilmiş etirazla bağlı Apellyasiya şurasına müraciət üçün – 120 manat.
18.34-3. Apellyasiya şurasına etirazın baxılma müddətinin altı aydan çox olmayan müddətə uzadılması üçün – 40 manat.”;
3. aşağıdakı məzmunda 18.35-1-ci maddə əlavə edilsin:
“18.35-1. Əmtəə nişanları və coğrafi göstəricilərin qeydə alınması ilə bağlı dövlət rüsumunun ödənilməsi müddətinə əlavə olaraq dörd ay möhlət verilməsi üçün – 30 manat.”;
4. aşağıdakı məzmunda 18.39-1-ci maddə əlavə edilsin:
“18.39-1. Qeydiyyata alınmış əmtəə nişanına dair müstəsna hüquqların müqavilə əsasında başqa şəxsə girov kimi verilməsi ilə bağlı girov müqaviləsinin qeydiyyatı üçün – 60 manat.”.    

                                                                                                                 
                                                                                                                   
                                                                                                                    
                                                                                                                    
                                                                                                                  İlham Əliyev
Azərbaycan Respublikasının Prezidenti