Azərbaycan Respublikasının Ağstafa, Ağsu,

Saatlı və Tərtər rayonlarında bələdiyyələrin

yaradılması haqqında

AZƏRBAYCAN RESPUBLİKASININ

Q A N U N U

"Bələdiyyələrin birgə fəaliyyəti, birləşməsi, ayrılması və ləğv edilməsi haqqında" Azərbaycan Respublikası Qanununun 3-cü maddəsinə müvafiq olaraq Azərbaycan Respublikasının Milli Məclisi qərara alır:

I. Azərbaycan Respublikasının Ağstafa, Ağsu, Saatlı və Tərtər rayonlarında aşağıdakı bələdiyyələr yaradılsın:

1. Ağstafa rayonu üzrə:

1) Böyük Kəsik bələdiyyəsinin əhatə etdiyi Ağgöl kəndində Ağgöl bələdiyyəsi;

2) Köçvəlili bələdiyyəsinin əhatə etdiyi Qarayazı, Həzi Aslanov və Soyuqbulaqlar qəsəbələrində Qarayazı bələdiyyəsi;

3) Pirili bələdiyyəsinin əhatə etdiyi Kolxəlfəli kəndində Kolxəlfəli bələdiyyəsi;

4) Poylu bələdiyyəsinin əhatə etdiyi Poylu qəsəbəsində və Saloğlu bələdiyyəsinin əhatə etdiyi Ceyrançöl qəsəbəsində Poylu qəsəbə bələdiyyəsi;

5) Tatlı bələdiyyəsinin əhatə etdiyi Köhnəqışlaq kəndində Köhnəqışlaq bələdiyyəsi.

2. Ağsu rayonu üzrə:

Növcü bələdiyyəsinin əhatə etdiyi Yuxarı Növcü kəndində Yuxarı Növcü bələdiyyəsi.

3. Saatlı rayonu üzrə:

1) Xanlarkənd bələdiyyəsinin əhatə etdiyi Çolpı kəndində Çolpı bələdiyyəsi;

2) Mircəlal bələdiyyəsinin əhatə etdiyi Soltanabad kəndində Soltanabad bələdiyyəsi.

4. Tərtər rayonu üzrə:

İrəvanlı bələdiyyəsinin əhatə etdiyi Hacallı və Qapanlı kəndlərində Hacallı bələdiyyəsi.

II. Bu Qanun dərc edildiyi gündən qüvvəyə minir.

İlham Əliyev

Azərbaycan Respublikasının Prezidenti

Bakı şəhəri, 17 sentyabr 2004-cü il

№ 761-IIQ