Azərbaycan Respublikasının Goranboy rayonunun və Naftalan
şəhərinin inzibati ərazi bölgüsündə qismən dəyişiklik
edilməsi haqqında

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi q ə r a r a   a l ı r :

Azərbaycan Respublikasının Goranboy rayonunun və Naftalan şəhərinin sərhədlərində bu Qanuna əlavə edilmiş xəritəyə uyğun olaraq aşağıdakı dəyişiklik edilsin:

Goranboy rayonunun inzibati ərazisindən 489,0 ha (o cümlədən Tap Qaraqoyunlu kənd inzibati ərazi dairəsi tərkibindəki Tap Qaraqoyunlu kəndinin ərazisindən bələdiyyə mülkiyyətində olan 133,84 ha, Tatarlı kənd inzibati ərazi dairəsi tərkibindəki Tatarlı kəndinin ərazisindən bələdiyyə mülkiyyətində olan 229,68 ha və xüsusi mülkiyyətdə olan 125,48 ha (cəmi – 355,16 ha) torpaq sahəsi Naftalan şəhərinin inzibati ərazisinə verilsin;

Goranboy rayonunun Qaşaltı Qaraqoyunlu kənd inzibati ərazi dairəsi əhatə etdiyi ərazi vahidləri (ərazisi müvafiq olaraq 1321,1 ha və 882,7 ha təşkil edən Qaşaltı Qaraqoyunlu və Qasımbəyli kəndləri) ilə birlikdə Naftalan şəhər inzibati ərazi vahidinin tərkibinə daxil edilsin.

İlham Əliyev
Azərbaycan Respublikasının Prezidenti

Bakı şəhəri, 31 may 2010-cu il
No– 1018-IIIQ