“Dövlət rüsumu haqqında” Azərbaycan Respublikasının Qanununa
əlavələr və dəyişikliklər edilməsi barədə

AZƏRBAYCAN RESPUBLIKASININ
Q A N U N U

Azərbaycan Respublikasının Milli Məclisi qərara alır:

“Dövlət rüsumu haqqında” Azərbaycan Respublikası Qanununa (Azərbaycan Respublikasının Qanunvericilik Toplusu, 2001-ci il, No–12, maddə 740; 2002-ci il, No–12, maddə 706; 2003-cü il, No–1, maddə 23, No–8, maddə 428, No–12 (I kitab), maddələr 676, 698; 2005-ci il, No–1, maddə 1, No–6, maddə 462,   No–8, maddə 684, No–10, maddələr 873, 905, No–12, maddə 1083; 2006-cı il, No–3, maddələr 223, 225, No–6, maddə 481, No–12, maddələr 1015, 1029; 2007-ci il,    No–2, maddə 80, No–12, maddə 1203; 2008-ci il, No–3, maddə 158, No–6, maddə 462, No–7, maddə 602, No–12, maddə 1047; 2009-cu il, No–1, maddə 5, No–2, maddə 56, No–3, maddə 160, No–7, maddə 519, No–12, maddə 947; 2010-cu il, No–6,         maddə 485) aşağıdakı əlavələr və dəyişikliklər edilsin:
1. 2.0.2-ci maddədə “aparılması” sözündən sonra “, notariat fəaliyyəti ilə məşğul olmaq üçün şəhadətnamənin verilməsi və onun müddətinin uzadılması” sözləri əlavə edilsin;
2. 2.0.19-cu maddədə “dövlət qeydiyyatı” sözlərindən sonra “və gigiyenik sertifikatının verilməsi” sözləri əlavə edilsin;
3.  aşağıdakı məzmunda 2.0.20-ci maddə əlavə edilsin:
“2.0.20 malın mənşə ölkəsini təsdiq edən sertifikatın verilməsi.”;
4. 10-cu maddənin adında “aparılmasına” sözündən sonra “, notariat fəaliyyəti ilə məşğul olmaq üçün şəhadətnamənin verilməsinə və onun müddətinin uzadılmasına” sözləri əlavə edilsin;
5. aşağıdakı məzmunda 10.26-cı və 10.27-ci maddələr əlavə edilsin:
“10.26. Notariat fəaliyyəti ilə məşğul olmaq üçün şəhadətnamənin verilməsinə görə - 100 manat;
10.27. Notariat fəaliyyəti ilə məşğul olmaq üçün şəhadətnamənin müddətinin uzadılmasına görə - 50 manat.”;
6. aşağıdakı məzmunda 18.68 -ci maddə əlavə edilsin:
“ 18.68. Alternativ və bərpa olunan enerji mənbələri üzrə fəaliyyətə xüsusi icazənin verilməsi – 100 manat.”;
7. aşağıdakı məzmunda 30.1.4-cü maddə əlavə edilsin:
“ 30.1.4. Avropa İttifaqı ölkələrinə ixrac edilən yeyinti məhsullarının keyfiyyət sertifikatının verilməsi – 20 manat”;
8. aşağıdakı məzmunda 30-1-ci maddə əlavə edilsin:
“ Maddə 30-1. Malın mənşə ölkəsini təsdiq edən sertifikatın verilməsinə görə tutulan dövlət rüsumunun dərəcəsi
malın mənşə ölkəsini təsdiq edən sertifikatın verilməsi –  20 manat”;
9. 33-cü maddə aşağıdakı redaksiyada verilsin:
“Maddə 33. Dərman vasitələrinin və maddələrinin dövlət qeydiyyatı və gigiyenik sertifikatın verilməsinə görə tutulan dövlət rüsumunun dərəcələri:
33.1. Dərman vasitələrinin və maddələrinin dövlət qeydiyyatı – 100 manat;
33.2. Gigiyenik sertifikatın verilməsi – 15 manat.”.

                                                                                             
                                                                                                                    
                                                                                                                                                                                                                  
                                                                                                                      İlham Əliyev
Azərbaycan Respublikasının Prezidenti