Azərbaycan Respublikasının Seçki Məcəlləsinə
əlavə və dəyişikliklər edilməsi haqqında

AZƏRBAYCAN  RESPUBLİKASININ  QANUNU

Azərbaycan Respublikasının Milli Məclisi   q ə r a r a  a l ı r :

Azərbaycan Respublikasının Seçki Məcəlləsinə (Azərbaycan Respublikasının Qanunvericilik Toplusu, 2003-cü il, No– 6, maddə 274, No– 12,       I kitab, maddə 680; 2004-cü il, No– 6, maddə 416, No– 11, maddə 891; 2005-ci il,   No– 2, maddə 62, No– 4, maddə 278, No– 7, maddələr 576, 584, No– 12, maddə 1091; 2007-ci il, No– 7, maddə 712; 2008-ci il, No– 6, maddə 457; 2009-cu il, No– 2, maddə 44; 2010-cu il, No– 7, maddə 592) aşağıdakı əlavə və dəyişikliklər edilsin:

1. 25.1-ci maddəyə aşağıdakı məzmunda ikinci cümlə əlavə edilsin:

“Müharibə şəraitində hərbi əməliyyatların aparılması ilə əlaqədar seçkilərin keçirilməsi mümkün olmadıqda Mərkəzi Seçki Komissiyası Azərbaycan Respublikası Konstitusiyasının 84-cü maddəsinin I hissəsinə və   101-ci maddəsinin V hissəsinə uyğun olaraq Azərbaycan Respublikasının Konstitusiya Məhkəməsinə müraciət edir.”.

2. 162-ci maddə üzrə:

2.1. 162.1-ci maddənin birinci cümləsində “Bu Məcəllənin 161-ci maddəsində nəzərdə tutulmayan namizəd” sözləri “Namizəd” sözü ilə əvəz edilsin;
2.2. 162.2-ci maddədən “bu Məcəllənin 161-ci maddəsində nəzərdə tutulmayan namizədlərə” sözləri çıxarılsın.
2.3. 162.6-cı maddənin birinci cümləsindən “bu Məcəllənin 161-ci maddəsində nəzərdə tutulmuş” sözləri, ikinci cümləsindən “bu Məcəllənin 161-ci maddəsində nəzərdə tutulmayan və” sözləri çıxarılsın.

3. 195-ci maddə üzrə:

3.1. 195.1-ci maddədə “Bu Məcəllənin 194-cü maddəsində nəzərdə tutulmayan prezidentliyə namizəd” sözləri “Prezidentliyə namizəd” sözləri ilə əvəz edilsin;
3.2. 195.2-ci maddədən “bu Məcəllənin 194.1-ci maddəsində nəzərdə tutulmuş” sözləri çıxarılsın;
3.3. 195.6-cı maddədən “bu Məcəllənin 194-cü maddəsində nəzərdə tutulmayan,” sözləri çıxarılsın.

İlham Əliyev
Azərbaycan Respublikasının Prezidenti

Bakı şəhəri, 1 fevral 2011-ci il
No– 55-IVQD