“Ədliyyə orqanlarında qulluq keçmə haqqında”
Azərbaycan Respublikasının Qanununa
dəyişikliklər və əlavə edilməsi barədə

AZƏRBAYCAN  RESPUBLİKASININ  QANUNU

Azərbaycan Respublikasının Milli Məclisi qərara alır:

“Ədliyyə orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006-cı il, No– 7, maddə 586; 2007-ci il, No– 1, maddə 1, No– 8, maddə 756, No– 11, maddələr 1078, 1081; 2008-ci il, No– 3, maddə 155, No– 6, maddə 481, No– 8, maddələr 694, 710; 2009-cu il, No– 6, maddə 399, No– 11, maddə 878; 2010-cu il, No– 3, maddə 171, No– 4, maddə 273) aşağıdakı dəyişikliklər və əlavə edilsin:
1. 2.1-ci maddədə “Məhkəmə qərarlarının icrası haqqında”, “Məhkəmə nəzarətçiləri və məhkəmə icraçıları haqqında” sözləri “İcra haqqında”, “İcra məmurları haqqında” sözləri ilə əvəz edilsin;
2. 23.7-ci maddədə “məhkəmə icraçılarına” sözləri “icra məmurlarına” sözləri ilə əvəz edilsin;
3. 26.1-ci maddədə:
3.1. “xidmətlərində” sözündən sonra “, regional ədliyyə şöbələrində” sözləri əlavə edilsin;
3.2. “məhkəmə nəzarətçiləri və məhkəmə icraçıları” sözləri “icra məmurları” sözləri ilə əvəz edilsin.                                                                                                                                                                                                                                                                                                                                                                                                                                                                          

İlham Əliyev
Azərbaycan Respublikasının Prezidenti

Bakı şəhəri, 30 dekabr 2010-cu il
No– 43-IVQD