“Vəkillər və vəkillik fəaliyyəti haqqında”
Azərbaycan Respublikasının Qanununda
dəyişiklik edilməsi barədə

AZƏRBAYCAN   RESPUBLİKASININ
Q A N U N U

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 6-cı bəndinə əsasən, “Məhkəmələr və hakimlər haqqında” və “Məhkəmə-Hüquq Şurası haqqında” Azərbaycan Respublikasının qanunlarına dəyişikliklər və əlavələr edilməsi barədə” Azərbaycan Respublikasının 2010-cu il 22 iyun tarixli 1043-IIIQD nömrəli Qanununa uyğun olaraq qərara alır:

“Vəkillər və vəkillik fəaliyyəti haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2000-ci il, No– 1, maddə 19; 2001-ci il, No– 12, maddə 736; 2004-cü il, No– 2, maddə 57, No– 3, maddə 133, No– 8, maddə 599, No– 10, maddə 787; 2005-ci il, No– 8, maddə 686; 2006-cı il, No– 12, maddə 1005; 2007-ci il, No– 4, maddə 322; 2009-cu il, No– 7, maddə 517, No– 11, maddə 878; 2010-cu il, No– 5, maddə 375; 2011-ci il, No– 2, maddə 71) 26 cı maddəsinin II hissəsində “iqtisadi” sözündən əvvəl “inzibati və” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 10 iyun 2011-ci il
No– 145-IVQD