Azərbaycan Respublikasının Mülki Məcəlləsində
dəyişikliklər edilməsi haqqında 

AZƏRBAYCAN  RESPUBLİKASININ

Q A N U N U

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 13-cü bəndini rəhbər tutaraq qərara alır:
Azərbaycan Respublikasının Mülki Məcəlləsində (Azərbaycan Respublikasının Qanunvericilik Toplusu, 2000-ci il, No–4, I kitab, maddə 250, No–5, maddə 323, No–12, maddə 835; 2002-ci il, No–12, maddə 709; 2003-cü il, No–8,   maddə 420; 2004-cü il, No–3, maddə 123, No–5, maddə 318, No–6, maddə 415, No–10, maddə 761, No–11, maddə 901; 2005-ci il, No–2, maddə 61, No–6, maddə 466, No–8, maddələr 684, 692, 693, No–11, maddə 996, No–12, maddə 1085; 2006-cı il, No–2, maddə 68, No–3, maddə 225, No–5, maddə 387, No–6, maddə 478, No–8, maddə 657, No–12, maddə 1005; 2007-ci il, No–2, maddə 80, No–6, maddə 560, No–8, maddə 745, No–10, maddə 937, No–11, maddə 1053, No–12, maddələr 1215, 1219; 2008-ci il, No–3, maddə 145, No–6, maddə 456, No–7, maddə 602, No–12, maddə 1049; 2009-cu il, No–2, maddə 47, No–5, maddə 295, No–6, maddə 404, No–7, maddə 517; 2010-cu il, No–4, maddə 266) aşağıdakı dəyişikliklər edilsin:

1. 1179.2-ci maddədə “yerli özünüidarə orqanı” sözləri”  “müvafiq icra hakimiyyəti orqanları” sözləri ilə əvəz edilsin. 
 
2. 1187-ci maddədə:
2.1. maddənin adı aşağıdakı redaksiyada verilsin: “Vəsiyyətnamənin depozitə qoyulması”;
2.2. 1187.1-ci maddə aşağıdakı redaksiyada verilsin:
“1187.1. Vəsiyyət edən öz əli ilə yazdığı və imzaladığı vəsiyyətnaməni zərfə qoyub bağlayaraq üç şəxsin yanında notariusa və ya Azərbaycan Respublikası konsulluqlarının vəzifəli şəxslərinə verə bilər. Həmin şəxslərin orada olması onların zərfin üzərində notariat qaydasında (formasında) təsdiq edilmiş imzaları ilə müəyyən olunur.”;
2.3. 1187.2-ci maddənin mətnində “digər müvafiq vəzifəli şəxsdə” sözləri “Azərbaycan Respublikasının konsulluqlarında” sözləri ilə əvəz edilsin.

İlham Əliyev
Azərbaycan Respublikasının Prezidenti

Bakı şəhəri, 10 iyun 2011-ci il
No– 159-IVQD