“Elektroenergetika haqqında” Azərbaycan Respublikasının Qanununda  
dəyişiklik edilməsi barədə 

AZƏRBAYCAN RESPUBLİKASININ
QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 11-ci bəndini rəhbər tutaraq qərara alır:
“Elektroenergetika haqqında” Azərbaycan Respublikasının Qanununun (Azərbaycan Respublikasının Qanunvericilik Toplusu, 1998, No–6, maddə 363; 2001, No–11, maddə 696; 2002, No–12, maddə 709; 2003, No–1, maddə 12; 2006, No–8, maddə 657; 2008, No–5, maddə 348; 2009, No–10, maddə 768; 2010, No–5, maddə 374; 2011, No–4, maddə 261) 11-ci maddəsinin 5-ci hissəsinə aşağıdakı məzmunda üçüncü cümlə əlavə edilsin:
“Elektrik və istilik enerjisi xətlərinin qanunsuz olaraq kəsilməsi və ya istehlakçıya yazılı bildirişin göndərilməsi tələb olunan hallarda yazılı bildiriş göndərilmədən elektrik və istilik enerjisinin  verilməsinin dayandırılması qadağandır.”.

İlham Əliyev
Azərbaycan Respublikasının Prezidenti