“Notariat haqqında” Azərbaycan Respublikasının Qanununda
dəyişikliklər edilməsi barədə

AZƏRBAYCAN RESPUBLİKASININ
QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 5-ci bəndini rəhbər tutaraq qərara alır:

“Notariat haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2000, No– 1, maddə 10, No– 6, maddə 414; 2001, No– 5, maddə 293, No– 11, maddə 687, No– 12, maddə 740; 2002, No– 5, maddə 241, No– 6, maddə 328, No– 12, maddə 706; 2004, No– 5, maddə 318; 2005, No– 4, maddə 281, No– 8, maddə 699, No– 10, maddə 903, No– 11, maddə 993; 2007, No– 1, maddə 4, No– 2, maddə 69, No– 8, maddə 745, No– 11, maddələr 1053, 1075; 2008, No– 6, maddə 462, No– 7, maddə 602; 2009, No– 1, maddə 5, No– 7, maddə 517, No– 11, maddə 878; 2010, No– 7, maddə 597, No– 11, maddə 938; 2011, No– 4, maddə 79) 32-ci maddəsinin doqquzuncu, onuncu və on birinci abzasları müvafiq olaraq onuncu, on birinci və on ikinci abzaslar hesab edilsin, həmin maddəyə aşağıdakı məzmunda doqquzuncu abzas əlavə edilsin:
“Nəqliyyat vasitəsinin icarəyə verilməsinə dair müqaviləni, yaxud nəqliyyat vasitəsindən istifadə edilməsi və ya ona dair sərəncam verilməsi hüquqları ilə bağlı etibarnaməni təsdiq edərkən notarius müqavilənin və ya etibarnamənin təsdiq edilməsi barədə məlumatı dərhal müvafiq icra hakimiyyəti orqanına göndərir. Müvafiq icra hakimiyyəti orqanı texniki vasitələrdən istifadə etməklə həmin məlumatı üç gün müddətində müvafiq icra hakimiyyəti orqanına göndərir.”.

İlham Əliyev
Azərbaycan Respublikasının Prezidenti

Bakı şəhəri, 15 noyabr 2011-ci il
No– 243-IVQD