“Konstitusiya Məhkəməsi haqqında” Azərbaycan Respublikasının Qanununda
dəyişikliklər edilməsi barədə

AZƏRBAYCAN  RESPUBLİKASININ  QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 5-ci bəndini rəhbər tutaraq  q ə r a r a   a l ı r :

“Konstitusiya Məhkəməsi haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, No– 1, maddə 9, No– 8, maddə 598, No– 9, maddə 668; 2007, No– 4, maddə 320, No– 5, maddə 446, No– 7, maddə 712, No– 11, maddə 1078; 2008, No– 6, maddə 470, No– 7, maddə 608; 2010, No– 7, maddə 590; 2011, No–  4, maddə 266, No– 11, maddə 982) aşağıdakı dəyişikliklər edilsin:

1. Aşağıdakı məzmunda 14.3-cü maddə əlavə edilsin:

“14.3. Konstitusiya Məhkəməsi hakiminin vəzifədə olmasının yaş həddi 70 yaşdır. Konstitusiya Məhkəməsinin 70 yaşına çatmış hakimi Konstitusiya Məhkəməsinin yeni hakimi təyin olunanadək vəzifələrini icra etməyə davam edir.”.

2. 23-cü maddədə:

2.1. Aşağıdakı məzmunda 23.1.2-1-ci maddə əlavə edilsin:
“23.1.2-1. 70 yaşına çatdıqda;”;
2.2. Aşağıdakı məzmunda 23.1.7-1-ci maddə əlavə edilsin:
“23.1.7-1. Konstitusiya Məhkəməsi hakiminin adına, şərəf və ləyaqətinə ləkə gətirən hərəkətə yol verdikdə;”.

İlham Əliyev
Azərbaycan Respublikasının Prezidenti

Bakı şəhəri, 22 may 2012-ci il
No– 360-IVQD