“Bələdiyyələrin əraziləri və torpaqları haqqında”
Azərbaycan Respublikasının Qanununa əlavə edilmiş
“Azərbaycan Respublikasında bələdiyyələrin siyahısı”nda
dəyişikliklər edilməsi barədə

AZƏRBAYCAN RESPUBLİKASININ
QANUNU

Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 3-cü bəndinə uyğun olaraq  q ə r a r a   a l ı r :

“Bələdiyyələrin əraziləri və torpaqları haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1999, No– 12, maddə 689; 2001, No– 11, maddə 677; 2002, No– 5, maddə 237; 2003, No– 6, maddə 273, No– 8, maddə 419; 2004, No– 7, maddə 522, No– 10, maddə 784, No– 12, maddələr 982, 987; 2005, No– 4, maddə 283, No– 10, maddə 884; 2007, No– 3, maddə 212, No– 11, maddə 1051; 2008, No– 5, maddələr 346, 347, No– 8, maddə 708, No– 11, maddə 959; 2009,     No– 4, maddə 214, No– 7, maddələr 503, 511, No– 10, maddə 770, No– 12, maddə 963; 2010, No– 7, maddə 605, No– 11, maddələr 942, 943, 961; 2011, No– 3, maddə 166, No– 7, maddə 613; 2012, No– 2, maddə 54, No– 3, maddə 192, No– 6, maddə 525; Azərbaycan Respublikasının 2012-ci il 29 iyun tarixli 413-IVQD nömrəli Qanunu) əlavə edilmiş “Azərbaycan Respublikasında bələdiyyələrin siyahısı”nın “Tovuz rayonu” bölməsində aşağıdakı dəyişikliklər edilsin:

1. 52.5-ci sırada “Aşağı Ayıblı” sözləri hər iki halda “Əyyublu” sözü ilə əvəz edilsin;
2. 52.8-ci sırada “Qazqulu” sözü hər iki halda “Qazıqulu” sözü ilə əvəz edilsin;

3. 52.9-cu sırada “Azaplı” sözü hər iki halda “Azaflı” sözü ilə əvəz edilsin;
4. 52.23-cü sırada “Girzan” sözü hər iki halda “Hunanlar” sözü ilə əvəz edilsin;
5. 52.35-ci sırada “Oskən” sözü “Öskən” sözü ilə əvəz edilsin;
6. 52.36-cı sırada “Qovlar qəsəbəsi” sözləri “Qovlar şəhəri” sözləri ilə əvəz edilsin;

İlham Əliyev
Azərbaycan Respublikasının Prezidenti

Bakı şəhəri, 16 oktyabr 2012-ci il
No– 451-IVQD