Azərbaycan Respublikasının Cinayət Məcəlləsində dəyişikliklər edilməsi haqqında

AZƏRBAYCAN  RESPUBLİKASININ  QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 17-ci bəndini rəhbər tutaraq, Azərbaycan Respublikasının Cinayət Məcəlləsini “Həbs yerlərində saxlanılan şəxslərin hüquq və azadlıqlarının təmin edilməsi haqqında” Azərbaycan Respublikasının 2012-ci il 22 may tarixli 352-IVQ nömrəli Qanununa uyğunlaşdırmaq məqsədi ilə qərara alır:
  
Azərbaycan Respublikasının Cinayət Məcəlləsində (Azərbaycan Respublikasının Qanunvericilik Toplusu, 2000, No–4, II kitab, maddə 251, No–5, maddə 323, No–12, maddə 835; 2001, No–1, maddə 24, No–7, maddə 455; 2002, No–1, maddə 9, No–5, maddələr 236, 248, 258, No–6, maddə 326, No–8, maddə 465; 2003, No–6, maddələr 276, 279, No–8, maddələr 424, 425, No–12, I kitab, maddə 676; 2004, No–1, maddə 10, No–4, maddə 200, No–5, maddə 321, No–8, maddə 598, No–10, maddə 762, No– 11, maddə 900; 2005, No–1, maddə 3, No–6, maddə 462, No–7, maddə 575, No–10, maddə 904, No–11, maddə 994; 2006, No–2, maddələr 71, 72, 75, No–5, maddə 390, No–12, maddələr 1008, 1020, 1028; 2007, No–2, maddə 68, No–5, maddə 398, No–6, maddələr 560, 562, 579, No–8, maddə 757, No–10, maddələr 937, 941, No–11, maddələr 1049, 1080, 1090, No–12, maddə 1221; 2008, No–6, maddələr 454, 461, No–7, maddə 602, No–10, maddə 884, No–12, maddələr 1047, 1049; 2009, No–5, maddə 315, No–7, maddə 517, No–12, maddə 953; 2010, No–2, maddə 70, No–3, maddələr 171, 178, No–4, maddələr 275, 276, No–7, maddə 591; 2011, No–4, maddə 253, No–6, maddə 472, No–7, maddələr 587, 601, 621, No–11, maddə 980, No–12, maddə 1093; 2012, No–2, maddə 45, No–3, maddələr 193, 196, No–7, maddələr 666, 669, 673, No–11, maddə 1068, No–12, maddə 1223; 2013, No– 1, maddə 14, No– 2, maddə 102, No– 4, maddə 364, No– 5, maddələr 459, 479, 481, No– 6, maddələr 594, 600; Azərbaycan Respublikasının 2013-cü il 30 sentyabr tarixli 745-IVQD nömrəli, 22 oktyabr tarixli 771-IVQD nömrəli və 29 oktyabr tarixli 798-IVQD nömrəli qanunları ) aşağıdakı dəyişikliklər edilsin:

1. 292-ci maddənin adında “həbsdə” sözü “həbs yerində” sözləri ilə əvəz edilsin.

2. 292.2-ci maddədən “və ya həbsdə saxlama” və “iki ildən” sözləri çıxarılsın.

3. Aşağıdakı məzmunda 292.2-1-ci maddə əlavə edilsin:
“292.2-1. Bilə-bilə qanunsuz həbs yerində saxlama - dörd ilədək müddətə azadlıqdan məhrumetmə ilə cəzalandırılır.”.

4. 292.3-cü maddədə “292.1 və ya 292.2-ci” sözləri “292.1-ci, 292.2-ci və ya 292.2-1-ci” sözləri ilə əvəz edilsin.

5. 304-cü maddənin adında “yerindən, həbsdən və ya” sözləri “və ya həbs yerindən, yaxud” sözləri ilə əvəz edilsin;

6. 304.1-ci maddədə “və ya ibtidai həbsdə olan şəxsin azadlıqdan məhrum etmə yerlərindən, həbsdən və ya” sözləri “, həbs edilən və ya tutulan şəxsin azadlıqdan məhrum etmə və ya həbs yerindən, yaxud” sözlər ilə əvəz edilsin.

İlham Əliyev
Azərbaycan Respublikasının Prezidenti

Bakı şəhəri, 27 dekabr 2013-cü il
No– 872-IVQD