“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişikliklər edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 27-ci bəndini rəhbər tutaraq, “Normativ hüquqi aktlar haqqında” Azərbaycan Respublikasının Konstitusiya Qanununu nəzərə alaraq qərara alır:

“Azərbaycan Respublikasının Mərkəzi Bankı haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, No– 12, maddə 984; 2007, No– 6, maddə 562, No– 10, maddə 938, No– 12, maddə 1196; 2009, No– 6, maddə 404, No– 7, maddələr 507, 517; 2010, No– 10, maddə 839) aşağıdakı dəyişikliklər edilsin:

1. 2.2-ci maddənin ikinci cümləsində “qanunvericiliyə” sözü “Azərbaycan Respublikasının Mülki Məcəlləsinə” sözləri ilə əvəz edilsin;
2. 4.1-ci maddədə “öz” sözü “bu Qanunla müəyyən edilmiş” sözləri ilə əvəz edilsin;
3. 5.0.4-cü maddədə “qanunvericiliyə” sözü “Valyuta tənzimi haqqında” Azərbaycan Respublikasının Qanununa” sözləri ilə əvəz edilsin;
4. 8.2-ci maddədə “qanunvericiliklə” sözü “Normativ hüquqi aktlar haqqında” Azərbaycan Respublikasının Konstitusiya Qanunu” sözləri ilə, “dövlət qeydiyyatına alınır” sözləri “Azərbaycan Respublikasının Hüquqi Aktların Dövlət Reyestrinə daxil edilir” sözləri ilə əvəz edilsin;
5. 8.3-cü maddə ləğv edilsin;
6. 9.3-cü maddədə “edə bilər” sözləri “edir” sözü ilə əvəz edilsin;
7. 15.3-cü maddədən “səlahiyyətləri daxilində” sözləri çıxarılsın;
8. 16.3-cü maddədə “bağlanıla bilər” sözləri “bağlanır” sözü ilə əvəz edilsin;
9. 17.2-ci maddədə “edə bilər” sözləri “edir” sözü ilə əvəz edilsin;
10. 18.2-ci maddə aşağıdakı redaksiyada verilsin:
“18.2. Normativ hüquqi aktda Mərkəzi Bank, o cümlədən bank sistemi və bank fəaliyyəti ilə bağlı normativ göstərişlər və (və ya) tapşırıqlar olduqda, həmin layihə normayaratma orqanına təqdim edilməzdən əvvəl Mərkəzi Bankla razılaşdırılmalıdır.”;
11. 22.0.11-ci maddədə “qanunvericiliklə” sözü “Banklar haqqında” Azərbaycan Respublikasının Qanunu ilə” sözləri ilə əvəz edilsin;
12. 25.1-ci maddədə “oluna bilər” sözləri “olunur” sözü ilə əvəz edilsin;
13. 25.2-ci maddədə “qanunvericiliklə” sözü “Azərbaycan Respublikasının İnzibati Prosessual Məcəlləsi ilə” sözləri ilə əvəz edilsin;
14. 30.1-ci maddədə “apara bilər” sözləri “aparır” sözü ilə əvəz edilsin;
15. 32.1-ci maddədə “verə bilər” sözləri “verir” sözü ilə əvəz edilsin;
16. 32.2-ci maddədə “tətbiq edə bilər” sözləri “tətbiq edir” sözləri ilə əvəz edilsin;
17. 34-cü maddədə “cəlb edə” sözləri “cəlb edir” sözləri ilə, “yerləşdirə bilər” sözləri “yerləşdirir” sözü ilə əvəz edilsin;
18. 36.5-ci maddədə “qanunvericiliyinə” sözü “Cinayət Məcəlləsinə” sözləri ilə əvəz edilsin;
19. 38.2-ci maddənin birinci cümləsi aşağıdakı redaksiyada verilsin:
“Yubiley və xatirə pul nişanlarının tədavülə buraxılması haqqında qərarı Mərkəzi Bankın İdarə Heyəti qəbul edir.”;
20. 40-cı maddənin üçüncü cümləsində “müəyyənləşdirə bilər” sözləri “müəyyənləşdirilir” sözü ilə əvəz edilsin;
21. 46.4-cü maddədə “edə bilər” sözləri “edir” sözü ilə əvəz edilsin;
22. 46.5-ci maddədə “qanunvericilikdə” sözü “İnformasiya əldə etmək haqqında” və “Məlumat azadlığı haqqında” Azərbaycan Respublikasının qanunlarında” sözləri ilə, “açıqlaya bilər” sözləri “açıqlayır” sözü ilə əvəz edilsin;
23. 48.1.8-ci maddədə “qanunvericiliklə” sözü “Banklar haqqında”, “Bank olmayan kredit təşkilatları haqqında” və “Poçt haqqında”  Azərbaycan Respublikasının qanunları ilə” sözləri ilə əvəz edilsin;
24. 48.1.10-cu və 48.1.11-ci maddələrdə “qanunla” sözü “Banklar haqqında” Azərbaycan Respublikasının Qanununda” sözləri ilə əvəz edilsin;
25. 48.1.12-ci maddədə “qanunvericiliyə” sözü “Banklar haqqında” Azərbaycan Respublikasının Qanuna” sözləri ilə əvəz edilsin;
26. 49-1.2-ci və 51.2-ci maddələrdə “edə bilər” sözləri “edir” sözü ilə əvəz edilsin;
27. 54.7-ci maddədə “qanunvericiliklə” sözü “Azərbaycan Respublikasının Mülki Məcəlləsi ilə” sözləri ilə əvəz edilsin;
28. 55.0.3-cü maddədə “üçün zəruri olan hallar” sözləri “məqsədləri” sözü ilə əvəz edilsin;
29. 60-cı maddədə “qanunvericilikdə” sözü “Dövlət sirri haqqında” və “Banklarhaqqında” Azərbaycan Respublikasının qanunlarında” sözləri ilə əvəz edilsin;
30. 62-ci maddədə “qanunvericilikdə” sözü “Xidməti və mülki silah haqqında” Azərbaycan Respublikasının Qanununda” sözləri ilə əvəz edilsin;
31. 63-cü maddədən “zəruri” sözü çıxarılsın və həmin maddədə “ala bilər” sözləri “alır” sözü ilə əvəz edilsin;
32. 64.3-cü maddədə “etdirə bilər” sözləri “etdirir” sözü ilə əvəz edilsin.

İlham Əliyev
Azərbaycan Respublikasının Prezidenti

Bakı şəhəri, 28 oktyabr 2014-cü il
No– 1098-IVQD