“Beynəlxalq Əmək Təşkilatının “Ödənişli məzuniyyətlər haqqında” (1970-ci ildə yenidən işlənmiş) Konvensiyasına
Azərbaycan Respublikasının qoşulması barədə” Azərbaycan Respublikası Milli Məclisinin 1994-cü il 19 iyul
tarixli 856 nömrəli Qərarında dəyişikliklər edilməsi haqqında

AZƏRBAYCAN RESPUBLİKASININ QANUNU

Azərbaycan Respublikası Konstitusiyasının 94-cü maddəsinin I hissəsinin 22-ci bəndini rəhbər tutaraq Azərbaycan Respublikasının Milli Məclisi q ə r a r a  a l ı r:

“Beynəlxalq Əmək Təşkilatının “Ödənişli məzuniyyətlər haqqında” (1970-ci ildə yenidən işlənmiş) Konvensiyasına Azərbaycan Respublikasının qoşulması barədə” Azərbaycan Respublikası Milli Məclisinin 1994-cü il 19 iyul tarixli 856 nömrəli Qərarında aşağıdakı dəyişikliklər edilsin:

1. Adında və 3-cü hissədə “(1970-ci ildə yenidən işlənmiş)” sözləri “(1970-ci ildə yenidən baxılmış) 132 nömrəli” sözləri ilə əvəz edilsin.

2. 1-ci hissədə “(1970-ci ildə yenidən işlənmiş) Konvensiyasına” sözləri “(1970-ci ildə yenidən baxılmış) 132 nömrəli Konvensiyasına müvafiq bəyanatla (bəyanatın mətni əlavə olunur)” sözləri ilə əvəz edilsin.

3. 2-ci hissəyə “Konvensiyasına” sözündən əvvəl “(1970-ci ildə yenidən baxılmış) 132 nömrəli” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 30 sentyabr 2015-ci il
No– 1316-IVQ