Azərbaycan Respublikasının Torpaq Məcəlləsində dəyişikliklər edilməsi haqqında

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 11-ci və 13-cü bəndlərini rəhbər tutaraq qərara alır:

Azərbaycan Respublikasının Torpaq Məcəlləsinin (Azərbaycan Respublikasının Qanunvericilik Toplusu, 1999, No–8, maddə 478; 2001, No–12, maddə 736; 2002, No–5, maddələr 237, 241; 2003, No–1, maddə 11, No–6, maddə 256, No– 8, maddə 423; 2004, No–2, maddə 59, No–6, maddə 415, No–10, maddə 761; 2006, No–2, maddə 67, No–6, maddə 478, No–8, maddə 657, No–11, maddə 932; 2007, No–1, maddə 3, No–8, maddə 745; 2008, No–5, maddə 348, No–6, maddə 460, No–8, maddə 707, No–12, maddə 1048; 2009, No–2, maddə 36; 2012, No–6, maddə 497; 2013, No–6, maddə 621; 2015, No– 4, maddə 358) 46-cı maddəsinin 2-1-ci bəndinə aşağıdakı məzmunda altıncı və yeddinci cümlələr əlavə edilsin:

“Sahilboyu zolağın qrafiki təsvirində həmçinin zolağın 20 metrdən 50 metrədək müəyyənləşdirilməsinə əsas olan su səthinin quru ilə təmas xəttinin mövcud və təbii təsirlərlə əlaqədar dəyişən vəziyyəti öz əksini tapmalıdır. Müvafiq icra hakimiyyəti orqanının müəyyən etdiyi xüsusi əhəmiyyətli dövlət obyektlərinin hasarları istisna olmaqla, bu maddənin ikinci cümləsinə uyğun olaraq sahilboyu 20-50 metrlik zolağın altında olan torpaq sahəsinin dənizin sahilinə gediş-gəlişi məhdudlaşdırmamaq şərti ilə hasara alınma yolu ilə və ya digər üsullarla bağlanmasına o halda yol verilir ki, hasar və ya bağlanma üçün istifadə edilən tikinti konstruksiyaları qəfəsəli olmaqla, sahil tərəfdən dənizin və onun sahilində su ilə qurunun təmas xəttinin görünməsini məhdudlaşdırmasın və həmin hasarın və ya tikinti konstruksiyasının sahilboyu uzunluğunun hər 200 metrindən bir dövlət sərhədinin mühafizəsinin təmin olunması məqsədi ilə nəqliyyat vasitələrinin hərəkəti üçün yetərli olan eni 6 metrdən az olmayaraq sahilə birbaşa keçid təmin olunsun.”.

İlham Əliyev
Azərbaycan Respublikasının Prezidenti

Bakı şəhəri, 18 dekabr 2015-ci il
No– 57-VQD