Azərbaycan Respublikasının 2001-ci il 29 iyun tarixli 168-IIQ nömrəli Qanunu ilə təsdiq edilmiş
“Azərbaycan Respublikasının daxili işlər orqanlarında xidmət keçmə haqqında Əsasnamə”də
dəyişikliklər edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 19-cu bəndini rəhbər tutaraq qərara alır:

Azərbaycan Respublikasının 2001-ci il 29 iyun tarixli 168-IIQ nömrəli Qanunu (Azərbaycan Respublikasının Qanunvericilik Toplusu, 2001, No– 7, maddə 453, No– 12, maddə 731; 2004, No– 10, maddə 760; 2005, No– 4, maddə 280, No– 10, maddələr 871, 872; 2006, No– 10, maddə 846, No– 11, maddə 927; 2007, No– 8, maddə 756, No– 11, maddələr 1073, 1081; 2008, No– 3, maddə 155, No– 10, maddə 882; 2009, No– 2, maddə 48, No– 6, maddə 399; 2010, No– 3, maddə 171, No– 4, maddə 273, No– 12, maddə 1057; 2011, No– 1, maddə 13, No– 2, maddə 71; 2013, No– 5, maddə 462; 2015, No– 5, maddə 489, No– 10, maddə 1090; 2016, No– 2, I kitab, maddə 187) ilə təsdiq edilmiş “Azərbaycan Respublikasının daxili işlər orqanlarında xidmət keçmə haqqında Əsasnamə”də aşağıdakı dəyişikliklər edilsin:

1. 17-ci maddədə “ləyaqətsiz” sözü “daxili işlər orqanlarının əməkdaşı adına ləkə gətirən” sözləri ilə əvəz edilsin.

2.  135-ci maddənin 9-cu bəndindən “ləyaqətsiz” sözü çıxarılsın.

3. 139-cu maddədə “fiziki cəhətdən sağlam olan” sözlərindən sonra “kiçik (siyahısı müvafiq icra hakimiyyəti orqanı tərəfindən müəyyən edilir),” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 1 fevral 2017-ci il
No– 522-VQD