Azərbaycan Respublikasının Əmək Məcəlləsində dəyişikliklər edilməsi haqqında

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 15-ci bəndini rəhbər tutaraq, “Nağdsız hesablaşmalar haqqında” Azərbaycan Respublikasının 2016-cı il 16 dekabr tarixli 461-VQ nömrəli Qanununun tətbiqi ilə əlaqədar qərara alır:

Azərbaycan Respublikasının Əmək Məcəlləsinin (Azərbaycan Respublikasının Qanunvericilik Toplusu, 1999, No– 4, maddə 213; 2001, No– 3, maddə 143, No– 6, maddə 362, No– 11, maddələr 672, 679, No– 12, maddə 731; 2002, No– 1, maddə 2, No– 5, maddə 241, No– 6, maddə 328; 2003, No– 1, maddələr 9, 23; 2004, No– 1, maddə 10, No– 2, maddə 57, No– 3, maddə 133, No– 6, maddə 413, No– 7, maddə 505, No– 9, maddə 672, No– 12, maddə 981; 2005, No– 3, maddə 151, No– 4, maddə 278, No– 7, maddə 560, No– 10, maddə 874, No– 11, maddə 1001, No– 12, maddə 1094; 2006, No– 3, maddələr 220, 222, No– 5, maddə 385, No– 11, maddə 923, No– 12, maddələr 1004, 1025, 1030; 2007, No– 5, maddələr 401, 437, No– 6, maddə 560, No– 8, maddə 756, No– 11, maddələr 1049, 1053; 2008, No– 3, maddə 156, No– 7, maddələr 600, 602, No– 10, maddə 887, No– 11, maddə 960; 2009, No– 2, maddə 48, No– 5, maddə 294, No– 6, maddə 399, No– 12, maddələr 949, 969; 2010, No– 2, maddələr 70, 75, No– 4, maddə 275; 2011, No– 1, maddə 11, No– 2, maddələr 70, 71, No– 6, maddə 464, No– 7, maddə 598; 2012, No– 11, maddə 1054; 2013, No– 2, maddələr 89, 101, No– 11, maddə 1268; 2014, No– 2, maddə 92, No– 10, maddə 1162, No– 11, maddə 1339, No– 12, maddə 1527; 2015, No– 2, maddə 97, No– 3, maddə 250, No– 6, maddə 680; 2016, No– 2 (I kitab), maddələr 190, 201, No– 5, maddə 847, No– 11, maddə 1767) 12-ci maddəsinin 1-ci hissəsinin “h” bəndinin sonunda nöqtə işarəsi nöqtəli vergül işarəsi ilə əvəzlənməklə həmin hissəyə aşağıdakı məzmunda “x” bəndi əlavə edilsin:

“x) bu Məcəllə ilə işçiyə ödənilən bütün ödənişlərin “Nağdsız hesablaşmalar haqqında” Azərbaycan Respublikasının Qanununa uyğun olaraq ödənilməsini təmin etmək.”.

İlham Əliyev
Azərbaycan Respublikasının Prezidenti

Bakı şəhəri, 13 iyun 2017-ci il
No– 716-VQD