“Yol hərəkəti haqqında” Azərbaycan Respublikasının Qanununda dəyişikliklər edilməsi barədə

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 8-ci və 23-cü bəndlərini rəhbər tutaraq, “Hərbi vəziyyət haqqında” Azərbaycan Respublikasının 2017-ci il 14 fevral tarixli 530-VQ nömrəli Qanununun tətbiqi ilə əlaqədar qərara alır:

“Yol hərəkəti haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1998, No– 9, maddə 564; 2001, No– 5, maddə 298, No– 11, maddələr 676, 698; 2002, No– 1, maddə 9, No– 8, maddə 463; 2003, No– 8, maddə 424; 2004, No– 2, maddə 57, No– 11, maddə 901; 2005, No– 4, maddə 277, No– 10, maddə 874, No– 11, maddə 993; 2006, No– 12, maddə 1027; 2007, No– 6, maddə 560, No– 11, maddələr 1053, 1091; 2008, No– 2, maddə 49, No– 6, maddələr 453, 463, No– 7, maddə 602; 2009, No– 2, maddə 47, No– 4, maddə 210, No– 12, maddə 948; 2010, No– 7, maddə 598; 2011, No– 2, maddə 71, No– 4, maddə 255, No– 6, maddə 469, No– 12, maddə 1097; 2012, No– 5, maddə 402, No– 7, maddə 671; 2013, No– 4, maddələr 362, 363, No– 7, maddə 795, No– 11, maddələr 1295, 1298; 2014, No– 4, maddələr 343, 346, No– 5, maddə 467, No– 11, maddə 1352; 2015, No– 1, maddə 2, No– 2, maddələr 76, 79, 105, No– 5, maddə 502, No– 6, maddə 686, No– 11, maddələr 1256, 1276; 2016, No– 11, maddələr 1758, 1784, 1795, No– 12 maddə 1993; 2017, No– 2, maddələr 138, 150, No– 5, maddə 727, No– 8, maddə 1507, No– 10, maddə 1774, No– 12, I kitab, maddə 2215; Azərbaycan Respublikasının 2017-ci il 15 dekabr tarixli 928-VQD nömrəli, 29 dekabr tarixli 966 nömrəli Qanunu) 12-ci maddəsində aşağıdakı dəyişikliklər edilsin:

1. I hissəyə aşağıdakı məzmunda 2-2-ci bənd əlavə edilsin:
“2-2) hərbi vəziyyət rejimi tətbiq edildikdə;”.

2. II hissənin üçüncü cümləsinə “yalnız” sözündən sonra və VI hissənin birinci cümləsinə “fövqəladə” sözündən əvvəl “hərbi vəziyyət rejiminin tətbiqi,” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 1 may 2018-ci il
No– 1106-VQD