Azərbaycan Respublikasının Cinayət-Prosessual Məcəlləsində dəyişikliklər edilməsi haqqında

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 6-cı bəndini rəhbər tutaraq qərara alır:

Azərbaycan Respublikasının Cinayət-Prosessual Məcəlləsində (Azərbaycan Respublikasının Qanunvericilik Toplusu, 2000, No– 8 (II kitab), maddə 585; 2001, No– 7, maddə 455; 2002, No– 1, maddə 9, No– 5, maddə 233, No– 8, maddə 463; 2003, No– 6, maddə 276; 2004, No– 5, maddə 321, No– 7, maddə 505, No– 8, maddə 598, No– 10, maddə 761, No– 11, maddə 890; 2005, No– 1, maddə 4, No– 4, maddə 278, No– 6, maddə 462, No– 8, maddə 686, No– 10, maddə 874, No– 12, maddə 1079; 2006, No– 1, maddə 3, No– 2, maddə 64, No– 5, maddə 390, No– 10, maddə 847, No– 11, maddə 929, No– 12, maddə 1032; 2007, No– 2, maddələr 65, 68, No– 6, maddə 560, No– 7, maddə 712, No– 8, maddə 756, No– 11, maddə 1049, No– 12, maddə 1221; 2008, No– 6, maddə 462, No– 7, maddələr 606, 607, No– 12, maddələr 1045, 1049; 2009, No– 5, maddə 315, No– 7, maddə 517, No– 12, maddə 966; 2010, No– 3, maddələr 171, 173, 178, No– 7, maddə 593, No– 12, maddə 1058; 2011, No– 6, maddə 480, No– 7, maddələr 589, 599; 2012, No– 7, maddə 674, No– 11, maddə 1062, No– 12, maddə 1215; 2013, No– 2, maddə 77, No– 6, maddələr 616, 626, No– 7, maddə 786, No– 11, maddə 1265, No– 12, maddə 1493; 2014, No– 2, maddələr 90, 102, No– 4, maddələr 328, 344, No– 6, maddə 600, No– 11, maddələr 1354, 1362; 2015, No– 4, maddə 342, No– 5, maddə 511, No– 11, maddələr 1270, 1288; 2016, No– 2 (II kitab), maddə 218, No– 10, maddə 1607, No– 12, maddələr 2020, 2031, 2034, 2039; 2017, No– 5, maddə 751, No– 12 (I kitab), maddələr 2232, 2267; Azərbaycan Respublikasının 2018-ci il 1 may tarixli 1111-VQD nömrəli və 1116-VQD nömrəli qanunları) aşağıdakı dəyişikliklər edilsin:

1. 147.1.3-cü maddədə “yaxud cəzadan şərti olaraq vaxtından əvvəl azad etmənin” sözləri “cəzadan şərti olaraq vaxtından əvvəl azad etmənin, yaxud cəzanın çəkilməsinin təxirə salınmasının” sözləri ilə əvəz edilsin.

2. 147.2.3-cü maddədə, 152-ci maddənin adında, 152.1-ci maddənin birinci cümləsində, 152.2-ci maddədə, 152.3-cü maddənin birinci cümləsində, 152.4-cü maddənin birinci və ikinci cümlələrində, 153.2.11-ci və 153.3.4-cü maddələrdə “və ya cəzadan şərti olaraq vaxtından əvvəl azad etmənin” sözləri “, cəzadan şərti olaraq vaxtından əvvəl azad etmənin və ya cəzanın çəkilməsinin təxirə salınmasının” sözləri ilə əvəz edilsin.

3. 419.1-ci maddədə “baxaraq” sözündən sonra “müraciətin dəlillərindən asılı olmayaraq” sözləri əlavə edilsin və aşağıdakı məzmunda ikinci cümlə əlavə edilsin:
“Kassasiya instansiyası məhkəməsi, kassasiya şikayətinin və ya kassasiya protestinin baxışının nəticələri buna əsas verərsə, barəsində kassasiya müraciəti olmayan məhkum edilmiş şəxslərin də xeyrinə yekun qərar qəbul edir.”.

4. 419.10.4-cü maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 419.10.5-ci maddə əlavə edilsin:
“419.10.5. hökmün və ya məhkəmənin digər yekun qərarının icrası qaydasında icraat üzrə məhkəmə qərarını ləğv edərək, birinci və ya apellyasiya instansiyası məhkəməsində müəyyən edilmiş hallar və sübutlar əsasında yeni qərar qəbul etmək (o şərtlə ki, həmin qərar məhkum edilmiş şəxsin vəziyyətinin ağırlaşdırılması ilə nəticələnməsin).”.

5. 519.1.2-1-ci maddəyə “ləğv edilməsi” sözlərindən sonra “, habelə məhkumun yaşayış yerini dəyişdirməsinə icazə verilməsi” sözləri əlavə edilsin.

6. 519.2.2-ci maddədə “və ya şərti olaraq vaxtından əvvəl azad etmənin” sözləri “, cəzadan şərti olaraq vaxtından əvvəl azad etmənin və ya cəzanın çəkilməsinin təxirə salınmasının” sözləri ilə əvəz edilsin.

İlham Əliyev
Azərbaycan Respublikasının Prezidenti

Bakı şəhəri, 29 iyun 2018-ci il
No– 1205-VQD