Azərbaycan Respublikasında 2007-ci il üçün yaşayış minimumu və ehtiyac meyarının həddi haqqında

AZƏRBAYCAN RESPUBLİKASININ
Q A N U N U

Maddə 1. 2007-ci il üçün yaşayış minimumu ölkə üzrə adambaşına orta hesabla – 64 manat, o cümlədən əmək qabiliyyətli əhali üçün – 70 manat, pensiyaçılar üçün – 49,7 manat, uşaqlar üçün – 52,4 manat məbləğində müəyyən edilsin.

Maddə 2. Ünvanlı dövlət sosial yardımının təyin edilməsi məqsədilə ehtiyac meyarının həddi 2007-ci il yanvarın 1-dən – 35 manat, 2007-ci il iyulun 1-dən – 40 manat məbləğində müəyyən edilsin.

Maddə 3. Bu Qanun 2007-ci il yanvarın 1-dən qüvvəyə minir.

İlham Əliyev
Azərbaycan Respublikasının Prezidenti

Bakı şəhəri, 28 noyabr 2006-cı il
No– 176-IIIQ