“Gənclər siyasəti haqqında” Azərbaycan Respublikasının Qanununa dəyişikliklər və əlavələr edilməsi barədə” Azərbaycan Respublikasının 2007-ci il 8 may tarixli           331-IIIQD nömrəli Qanununun tətbiqi ilə əlaqədar bəzi qanunvericilik aktlarına dəyişikliklər və əlavələr edilməsi haqqında

AZƏRBAYCAN    RESPUBLİKASININ
Q   A   N   U   N   U

Azərbaycan Respublikasının Milli Məclisi qərara alır:
I. “Hərbi qulluqçuların statusu haqqında” Azərbaycan Respublikası Qanununun (Azərbaycan Respublikası Ali Sovetinin Məlumatı, 1992-ci il, No– 4, maddə 79; 1993-cü il, No– 5, maddə 132; Azərbaycan Respublikasının 1995-ci il 2 may tarixli 1030 nömrəli Qanunu; Azərbaycan Respublikasının Qanunvericilik Toplusu, 1997-ci il, No– 5, maddə 378; 1998-ci il, No– 1, maddələr 15, 16; 1999-cu il,  No– 4, maddə 228, No– 5, maddə 286; 2001-ci il, No– 6, maddələr 362, 363, No– 11, maddə 694, No– 12, maddələr 731, 736; 2004-cü il, No– 2, maddə 57, No– 3, maddə 133, No– 4, maddələr 199, 212, No– 7, maddə 507, No– 8, maddə 596; 2005-ci il, No– 10, maddə 871, No– 12, maddə 1093; 2006-cı il, No– 4, maddə 312, No– 11, maddə 933; 2007-ci il, No– 6, maddə 561; Azərbaycan Respublikasının 2007-ci il 16 iyun tarixli 389-IIIQD nömrəli Qanunu) 9-cu maddəsinin 7-ci bəndi aşağıdakı redaksiyada verilsin:
“7. Qanunvericiliklə müəyyən edilmiş qaydada müəssisənin ləğvi, işçilərin sayının və ştatlarının ixtisarı halları istisna olmaqla, şəxslərin həqiqi hərbi xidmətdə olduğu müddət ərzində mülkiyyət növündən və təşkilati-hüquqi formasından asılı olmayaraq müəssisələrdə iş yeri və vəzifəsi saxlanılır.”.
II. Azərbaycan Respublikasının Əmək Məcəlləsinə (Azərbaycan Respublikasının Qanunvericilik Toplusu, 1999-cu il, No– 4, maddə 213; 2001-ci il,   No– 3, maddə 143, No– 6, maddə 362, No–11, maddələr 672, 679, No– 12, maddə 731; 2002-ci il, No– 1, maddə 2, No– 5, maddə 241, No– 6, maddə 328; 2003-cü il, No– 1, maddələr 9, 23; 2004-cü il, No– 1, maddə 10, No– 2, maddə 57, No– 3, maddə 133, No– 6, maddə 413, No– 7, maddə 505, No– 9, maddə 672, No– 12, maddə 981; 2005-ci il, No– 3, maddə 151, No– 4, maddə 278, No– 7, maddə 560, No– 10, maddə 874, No– 11, maddə 1001, No– 12, maddə 1094; 2006-cı il, No– 3, maddələr 220, 222, No– 5, maddə 385,       No– 11, maddə 923, No– 12, maddələr 1004, 1025, 1030; 2007-ci il, No– 5, maddələr 401, 437, No– 6, maddə 560;  Azərbaycan Respublikasının 2007-ci il 16 iyun tarixli      389-IIIQD nömrəli Qanunu) aşağıdakı dəyişiklik və əlavələr edilsin:
1. 74-cü maddənin birinci hissəsinin “e” bəndinin sonunda nöqtə işarəsi nöqtəli vergül işarəsi ilə əvəz edilsin və hissəyə aşağıdakı məzmunda “ə” bəndi əlavə edilsin:
“ə) əvvəllər həmin müəssisədə çalışan işçi müddətli həqiqi hərbi xidmətdən ehtiyata buraxıldıqdan sonra öz iş yerinə (vəzifəsinə) qayıtmaq hüququndan istifadə etdikdə.”.
2. 77-ci maddəyə aşağıdakı məzmunda doqquzuncu hissə əlavə edilsin:
“9. Qanunvericiliklə müəyyən edilmiş qaydada müəssisənin ləğvi, işçilərin sayının və ştatlarının ixtisarı halları istisna olmaqla, işçinin həqiqi hərbi xidmətdə olduğu müddət ərzində mülkiyyət növündən və təşkilati-hüquqi formasından asılı olmayaraq müəssisədə iş yeri və vəzifəsi saxlanılır.”.
III. Bu Qanun dərc edildiyi gündən qüvvəyə minir.

İlham Əliyev
Azərbaycan Respublikasının Prezidenti

Bakı şəhəri, 1 fevral 2008-ci il 
No– 540-IIIQD