“Dövlət qulluğu haqqında” Azərbaycan Respublikasının Qanununa əlavələr edilməsi barədə

AZƏRBAYCAN   RESPUBLİKASININ
Q   A   N   U   N   U

   Azərbaycan Respublikasının Milli Məclisi   q ə r a r a   a l ı r :

 I. “Dövlət qulluğu haqqında” Azərbaycan Respublikasının Qanununun (Azərbaycan Respublikasının Qanunvericilik Toplusu, 2001-ci il,  No– 1, maddə 1,     No– 3, maddə 131; 2002-ci il, No– 12, maddə 693; 2003-cü il, No– 1, maddə 16; 2004-cü il, No– 1, maddə 10, No– 4, maddə 199, No– 5, maddə 321, No– 8, maddə 597, No– 11, maddə 884; 2005-ci il, No– 6, maddələr 463, 475, No– 10, maddə 874; 2006-cı il, No– 5, maddə 386, No– 6, maddə 479, No– 8, maddə 657, No– 11, maddə 927, No– 12, maddələr 1005, 1014; 2007-ci il, No– 2, maddə 83, No– 5, maddə 434, No– 7, maddə 711, No– 10, maddə 934; Azərbaycan Respublikasının 2007-ci il 1 oktyabr tarixli 424-IIIQD nömrəli, 19 oktyabr tarixli 458-IIIQD və 462-IIIQD nömrəli, 7 dekabr tarixli 504-IIIQD və    510-IIIQD nömrəli Qanunları) 29-cu maddəsinə aşağıdakı əlavələr edilsin:

1. 29.2-ci maddənin birinci abzasında və 29.3-cü maddədə “Dövlət orqanlarında” sözlərindən sonra mötərizədə “müvafiq icra hakimiyyəti orqanı istisna olmaqla” sözləri əlavə edilsin.

2. 29.2-ci maddəyə aşağıdakı məzmunda ikinci abzas əlavə edilsin:
“Müvafiq icra hakimiyyəti orqanında inzibati vəzifələrin altıncı-doqquzuncu təsnifatlarına uyğun olan vakant vəzifələrin tutulması həmin dövlət orqanı rəhbərinin qərarı əsasında bu Qanunun 29.4-29.8-ci maddələrinə uyğun olaraq yalnız müsahibə yolu ilə həyata keçirilir.”.

II. Bu Qanun dərc edildiyi gündən qüvvəyə minir.

İlham Əliyev
Azərbaycan Respublikasının Prezidenti

Bakı şəhəri, 12 fevral 2008-ci il
No– 546-IIIQD