“Yol hərəkəti haqqında” Azərbaycan Respublikasının Qanununda dəyişiklik edilməsi barədə

AZƏRBAYCAN   RESPUBLİKASININ

Q   A   N   U   N   U

Azərbaycan Respublikasının Milli Məclisi qərara alır:

I. “Yol hərəkəti haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1998-ci il, No– 9, maddə 564; 2001-ci il, No– 5, maddə 298, No– 11, maddələr 676, 698; 2002-ci il, No– 1, maddə 9, No– 8, maddə 463; 2003-cü il, No– 8, maddə 424; 2004-cü il, No– 2, maddə 57,       No– 11, maddə 901; 2005-ci il, No– 4, maddə 277, No– 10, maddə 874, No– 11, maddə 993; 2006-cı il, No– 12, maddə 1027; 2007-ci il, No– 6, maddə 560; Azərbaycan Respublikasının 2007-ci il 9 oktyabr tarixli 430-IIIQD nömrəli, 6 noyabr tarixli 481-IIIQD nömrəli və 2008-ci il 1 fevral tarixli 543-IIIQD nömrəli qanunları) 27-ci maddəsinin 2-ci hissəsinin 3-cü və    4-cü bəndləri aşağıdakı redaksiyada verilsin:
 “3) traktorların, həmçinin meşə və kənd təsərrüfatında istifadə edilən digər mexaniki nəqliyyat vasitələrinin - Azərbaycan Respublikasının müvafiq icra hakimiyyəti orqanı;
4) hüquqi və fiziki şəxslərin ümumi istifadədə olan küçə-yol şəbəkəsində istismar üçün nəzərdə tutulmayan texnoloji nəqliyyat vasitələrinin, həmçinin bu maddənin ikinci hissəsinin 3-cü bəndində göstərilən nəqliyyat vasitələri istisna olmaqla mühərrikinin işçi həcmi 50 kub/sm-dən az və konstruktiv maksimal sürəti saatda 50 kilometr və daha az olan digər mexaniki nəqliyyat vasitələrinin  - Azərbaycan Respublikasının müvafiq icra hakimiyyəti orqanı;”.

II. Bu Qanun dərc edildiyi gündən qüvvəyə minir.

                                                                           İlham Əliyev
                                                                      Azərbaycan Respublikasının Prezidenti

Bakı şəhəri, 2 iyun 2008-ci il
No– 619-IIIQD