Azərbaycan Respublikasının bəzi qanunvericilik aktlarına əlavələr edilməsi barədə AZƏRBAYCAN RESPUBLİKASININ Q A N U N U
Azərbaycan Respublikasının bəzi
qanunvericilik aktlarına əlavələr edilməsi
barədə
AZƏRBAYCAN RESPUBLİKASININ
Q A N U N U
Azərbaycan Respublikasının Milli Məclisi qərara alır:
I. "Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında" Azərbaycan Respublikasının Qanununa (Azərbaycan Respublikasının Qanunvericilik Toplusu, 2004-cü il, N2, maddə 56) aşağıdakı məzmunda 15-ci bənd əlavə edilsin:
"15. Əməliyyat-axtarış fəaliyyəti subyektlərinin, hərbi qulluqçuların və prokurorluq işçilərinin fərqlənmə nişanları olan hərbi və xüsusi geyim formaları.".
II.Azərbaycan Respublikasının İnzibati Xətalar Məcəlləsinə (Azərbaycan Respublikasının Qanunvericilik Toplusu, 2000-ci il, N 8 (I kitab), maddə 584; 2001-ci il, N 1, maddə 24, N 3, maddə 139, N 7, maddə 455, N 11, maddələr 680, 698, N 12, maddə 731; 2002-ci il, N 1, maddə 9, N 4 (I kitab), maddə 165, N 5, maddələr 234, 237, 239, N 6, maddə 326, N 8, maddə 463, N 12, maddə 692; 2003-cü il, N 1, maddələr 3, 13, 23, N 4, maddələr 177, 178, N 5, maddə 228, N 6, maddələr 257, 276, 279, N 8, maddələr 407, 425, N 12 (I kitab), maddələr 679, 696 (II kitab), maddələr 713, 714; 2004-cü il, N 1, maddələr 6, 7, 10, 13, N 4, maddələr 200, 201, 204, N 5, maddələr 313, 314, 317, 321, N 6, maddə 397, N 8, maddələr 596, 597, N 10, maddələr 762, 779, N 11, maddə 900) aşağıdakı məzmunda 310-2-ci maddə əlavə edilsin:
"Maddə 310-2. Əməliyyat-axtarış fəaliyyəti
subyektlərinin, hərbi qulluqçuların
və prokurorluq işçilərinin fərqlənmə
nişanları olan hərbi və xüsusi geyim
formalarını qanunsuz olaraq daşıma
Əməliyyat-axtarış fəaliyyəti subyektlərinin, hərbi qulluqçuların və prokurorluq işçilərinin fərqlənmə nişanları olan hərbi və xüsusi geyim formalarını qanunsuz olaraq daşımağa görə-
inzibati xətanın obyekti olmuş hərbi və xüsusi geyim forması müsadirə edilməklə şərti maliyyə vahidinin iyirmi beş mislindən qırx mislinədək miqdarda cərimə edilir.".
III. Bu Qanun dərc edildiyi gündən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 4 mart 2005-ci il
N 849-IIQD