“Feldyeger rabitəsi haqqında” Azərbaycan Respublikasının Qanununa, Azərbaycan Respublikasının 2004-cü il 8 iyun tarixli 682-IIQ nömrəli Qanunu ilə təsdiq edilmiş “Feldyeger rabitəsi orqanında xidmət keçmə haqqında Əsasnamə”yə, “Kəşfiyyat və əks-kəşfiyyat fəaliyyəti haqqında” Azərbaycan Respublikasının Qanununa, “Əmək pensiyaları haqqında” Azərbaycan Respublikasının Qanununa və “Ədliyyə orqanlarında qulluq keçmə haqqında” Azərbaycan Respublikasının Qanununa dəyişikliklər və əlavələr edilməsi barədə

AZƏRBAYCAN   RESPUBLİKASININ

Q   A   N   U   N   U

Azərbaycan Respublikasının Milli Məclisi qərara alır:

I. “Feldyeger rabitəsi haqqında” Azərbaycan Respublikası Qanununun
(Azərbaycan Respublikasının Qanunvericilik Toplusu, 2003-cü il, No–8, maddə 405) 10.1-ci maddəsində “xəsarət almış” sözləri “xəsarət (yaralanma, travma, kontuziya) almış” sözləri ilə əvəz edilsin.

II. Azərbaycan Respublikasının 2004-cü il 8 iyun tarixli 682-IIQ nömrəli
Qanunu (Azərbaycan Respublikasının Qanunvericilik Toplusu, 2004-cü il, No–7, maddə 514; 2006-cı il, No–3, maddə 221, No–11, maddə 927) ilə təsdiq edilmiş
“Feldyeger rabitəsi orqanında xidmət keçmə haqqında Əsasnamə”yə aşağıdakı
əlavələr və dəyişiklik edilsin:
1. 83-cü maddədə “xəsarət” sözündən sonra mötərizədə “yaralanma, travma, kontuziya” sözləri əlavə edilsin;
2. 100-cü maddədə “həlak olmuş” sözlərindən sonra mötərizədə “vəfat etmiş” sözləri əlavə edilsin, “yaralanma, kontuziya” sözləri “xəsarət (yaralanma, travma, kontuziya) alma» sözləri ilə əvəz edilsin.

III. “Kəşfiyyat və əks-kəşfiyyat fəaliyyəti haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2004-cü il, No–8, maddə 601; 2006-cı il, No–2, maddə 64, No–3, maddə 221) 20.12-ci maddəsində aşağıdakı dəyişikliklər və əlavə edilsin:
1. “həlak olmuş, bədən xəsarəti almış” sözləri “həlak olmuş (ölmüş), xəsarət (yaralanma, travma, kontuziya) almış” sözləri ilə əvəz edilsin;
2. “sağlamlığına” sözündən əvvəl “xəstəliklə əlaqədar” sözləri əlavə edilsin, “zərər” sözü “ziyan” sözü ilə əvəz edilsin.

IV. “Əmək pensiyaları haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006-cı il, No–3, maddə 208; Azərbaycan Respublikasının 2006-cı il 28 noyabr tarixli 184-IIIQD nömrəli Qanunu) aşağıdakı dəyişiklik edilsin:
1. 11.2.1-ci, 12.2-ci və 17.2-ci maddələrdə “(yara, kontuziya və ya zədə)” sözləri “(yaralanma, travma, kontuziya)” sözləri ilə əvəz edilsin;
2. 11.2.2-ci maddədə “zədə” sözü “xəsarət (yaralanma, travma, kontuziya)” sözləri ilə əvəz edilsin;
3. 20.17.1-ci və 20.17.2-ci maddələrdə “xəsarət (yara, kontuziya və ya zədə)” sözləri “xəsarət (yaralanma, travma, kontuziya)” sözləri ilə əvəz edilsin.

V. “Ədliyyə orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006-cı il, No–7, maddə 586; 2007-ci il No–1, maddə 1) aşağıdakı əlavələr və dəyişiklik edilsin:
1. 23.5-ci maddədə “xəsarət” sözündən sonra mötərizədə “yaralanma, travma, kontuziya” sözləri əlavə edilsin;
2. 37.3.1-ci maddədə “yaralanma, kontuziya” sözləri “xəsarətlə (yaralanma, travma, kontuziya)” sözləri ilə əvəz edilsin;
3. 37.6-cı maddədə “həlak olan” sözlərindən sonra mötərizədə “vəfat edən” sözləri əlavə edilsin.

VI. Bu Qanun dərc edildiyi gündən qüvvəyə minir.

İlham Əliyev
Azərbaycan Respublikasının Prezidenti

Bakı şəhəri, 4 iyul 2008-ci il
No– 669-IIIQD