Martın 14-də Novruz bayramı ərəfəsində, Milli Məclisin nümayəndələri həmişə olduğu kimi Qobustan rayonunda məskunlaşmış qaçqınların və məcburi köçkünlərin görüşünə gəlmişlər.
Milli Məclisin nümayəndələri ulu öndər Heydər Əliyevin abidəsini ziyarət etdikdən sonra rayonda məskunlaşmış, öz yurd-yuvalarından erməni işğalı nəticəsində didərgin düşmüş insanlarla görüş keçirmişlər. Novruz bayramı münasibəti ilə qaçqın və məcburi köçkünləri Milli Məclisin rəhbərliyi adından təbrik edən nümayəndə heyətinin üzvləri onlara öz ürək sözlərini söyləmişlər. 
Görüşdən sonra rayonda məskunlaşmış 166 ailəyə bayram sovqatı təqdim edilmişdir.

Milli Məclisin
Mətbuat xidməti